2014-08-28
「腦場打工仔」日記 第二話
自由行盲搶「伍捌貳零畸」「伍玖陸零叉」
文: 腦場打工仔 / 賣場報價
文章索引: 腦場特攻 處理器 INTEL

距離「煙條」正式發佈全新「叉狗狗」平台尚有一天,上回說到雖然代理已派 CPU 落場,但由於未有板廠敢衝燈,所以 d CPU 都係擺左係到等時間,不過今日一早就有遊客拿著現金來「鳩鳴」,掃走左陸粒新 U ,本來番工未醒都嚇一跳,佢話明早上再來掃板喎。

 

今日一番到來,有條友就拿著現金話要買「 Core-i7 伍捌貳零畸」同最高階「 Core-i7 伍玖陸零叉」各叁粒,雖然腦場打工仔唔係睇 CPU 但都去親下熱鬧,嘩 !! 張單港幣叁萬陸仟肆佰柒拾柒圓整,場面咁壯觀當然問下可唔可以影番張相啦。

 

CPU

 

近來好進取既代理「希爾思」攞左「華鯨」同「知事嬌」代理權後,襯「叉狗狗」平台推出搞左個「賓度」,主力推佢塊「 X99 Extreme 4 」入門板再配 Ripjaws4 記憶體,話即時壹百蚊優惠喎,不過腦場打工仔認為,買得「 Core-i7 伍捌貳零畸」同最高階「 Core-i7 伍玖陸零叉」,都唔爭在個舊啦 !!

 

傳統來講,咩叉平台都係「牙石」天下,大家都等緊佢地塊 Rampage 出來,「華鯨」如果要爭就睇下佢個「超頻方程式」能唔能夠出到來,腦場打工仔收到風,「超頻方程式」好似未搞掂仲 Tune 緊喎,希望佢今次唔好遲太多就好。

 

CPU

 

分享到:
發表評論
本篇文章被 69386 人閱讀,共有 個評論