有無 ching 玩緊 Win8 隻 free game: Age of Empires: Castle Siege

本帖最後由 Super169 於 2015-1-5 14:33 編輯

前兩日無無聊聊睇下 Windows 8 既 free game, 見到隻 Age of Empires: Castle Siege, 之前都係 AOE/AOC 迷, 自然 download 黎玩下.

簡單講下佢玩乜:
佢只係掛住 AOE 既名, 個樣都有少少 AOE 既 feel, 但玩法已經變哂.  
唔再係實時同玩家對戰, 但就變左塔防式既攻防育成遊戲.
雖然係肯成, 但除左頭幾期外, 之後一野升級就十幾粒鐘, 甚至一兩日, 都唔會好困身
唔同 Trivian 之類, 你唔玩都唔會比人拆左個城. 最多比人偷少少野, 我比人 100%爆完, 都係無左 1/4 左右既野, 所有 building 都當無事, 所以可以慢慢煲.
打果陣似玩 AOE 既電腦對戰, 對方 offline 至有得打, 由電腦控兵防守.
重點係佢封左頂 (so far 係), 即係如果有時間, 最後大家既兵力係一樣 (種族既分別唔計).
只係大家想辦法用相同既資源去建造一個防守性最強既城堡.  
同時亦係用同等既資源, 建立一隊攻城既部隊, 去挑戰其他玩家建立既城堡.
當你執緊個城既時候, 人地唔打得你, 可以放心慢慢改....我初時以為打得, 幾驚我剛剛搬開D牆,人地打過黎就 PK 了, 所以圍好左唔敢隨便執.  後尾至知原來唔駛驚既. ....結果當然係比有 D 人用 auto-click 之類既野去放機, 唔比人搶野... 但其實都唔需要, 反正都想試下自己個城做得好唔好.

可能無 AOE 果種刺激, 但係可以裝完得閒升下野, 有時間就打下, 諗下點砌個城都幾得意... 最緊要係免費 (有在線買金, 加速進度, 不過....唔值得比錢買)

注意, 呢隻係針對平板既遊戲, 基本上無 hot-key (好似只係見 i 去睇 information, 對開戰無幫助), 有時打仗果陣都幾煩 (點煩? 試過就知了).

唔知有無 ching 玩緊呢?

down嚟玩吓先,部win tab 依家一隻game 都冇

TOP