特區自主研發~~八達通 P2P「O! ePay」技術震驚全球



香港多年前的八達通技術震驚全球,可是今天的電子支付技術落後於其他國家,就以中國為例,其支付寶、微訊及銀聯的技術以及普及程度都遠超本港。前陣子八達通 P2P 新服務「o! ePay」推出,好像讓我們看到一點前景,可是實際使用後又是另一個故事。我們 unwire 訪問了雲端及流動運算專業人士協會創始會長 Emil Chan ,看看他試用後的感受及個人分享:
step 1.  開戶過五關斬六將超麻煩
step 2.  開戶後並不等於可以立即使用
step 3.  連結渣打戶口手續䌓瑣
step 4.  朋友條件限制多 即興交易不可能
http://unwire.hk/2016/04/22/416280/people-interview/

潮文社:八達通報失
職員:「先生你仲有咩需要?洗唔洗退返餘額俾你 :-)?」
我:「好呀!仲有幾多錢?」我重燃希望。
職員:「你張卡仲有$4.3 :-)。」
我:「…………」 「咁張卡果50蚊按金呢?」
職員:「先生,我地嘅報失手續費係要50蚊嘅 :-)。」
http://hktext.blogspot.hk/2016/04/lost-octopus.html

OP: 你唔用八達通, 可以選擇用鄰國的支付寶
利申: 帶現金出街

所以八達通加自動增值
八達通會送你50元獎賞
其實係畀返50元按金給你

TOP

繁瑣都係因爲8記註明要高安全度
緊密過支付寶/騰訊個D拉雜小額支付系統
而且目前情況得一間銀行應該證明個oeplay仲係先導測試當中
未來也許簡化手段或者增加功能

TOP

所以八達通加自動增值
八達通會送你50元獎賞
其實係畀返50元按金給你
YES_MAN 發表於 2016-4-23 07:06


跟住即刻退左張咭, 又拿返50, total 100

TOP

跟住即刻退左張咭, 又拿返50, total 100
abc888 發表於 2016-4-23 09:26


一生人只有一次加自動增值是免費
之後再申請自動增值
或者轉增值户口都要收費
完全係市場壟斷者咀臉

TOP

其實搞乜鬼p2p?
可唔可以整個正正常常嘅八達通網上平台,好似人地支付寶咁上網買嘢。

好地地我點解要用八達通俾錢我個fd,可能通行左會好方便,取代現金咁款
,但基本野都未掂,我好難冇啦啦接受呢套概念喎。

via HKEPC Reader for Android

TOP

本帖最後由 masseffect 於 2016-4-24 11:33 編輯
其實搞乜鬼p2p?
可唔可以整個正正常常嘅八達通網上平台,好似人地支付寶咁上網買嘢。

好地地我點解要用八 ...
gserli 發表於 2016-4-24 11:25

唔係八達通嚟...比較似tap n go...同支付寶根本係唔同嘅嘢

而且,網上買嘢其實用信用卡就得,本來係唔需要整多舊嘢出嚟
只係啲人又未必信個網,所以先有paypal/支付寶
如果八達通公司出就係要同paypal/支付寶競爭

TOP

唔係八達通嚟...比較似tap n go...同支付寶根本係唔同嘅嘢

而且,網上買嘢其實用信用卡就得,本來係唔需 ...
masseffect 發表於 2016-4-24 11:29

拎張卡上手, 嘟落部機到先過到數感覺安全好多。
香港少人買Apps唔多唔少都係因為唔習慣用信用卡網上購物。
買少少野我真係唔想連落張卡,感覺好唔安全。

喺香港, Paypal同支付寶根本就冇乜市場。
支付寶+八達通,多數人只係當係淘寶嘅俾錢方法,冇諗過用喺其他方面。

可能你見到我咁講會覺得我井底之蛙,可能你地覺得Paypal一早大把人用嚟上網買野。
或者十個會網上購物嘅香港人,五個用過Paypal,八個用過支付寶(八達通),
但係十個香港人,可能得四個會網上購物,三個用黎淘寶居多。

TOP

的確, 見到第一關要地址和身份證copy 已經唔想攪落去, 等摺

TOP

本帖最後由 peter_chan 於 2016-4-24 12:57 編輯
繁瑣都係因爲8記註明要高安全度
緊密過支付寶/騰訊個D拉雜小額支付系統
而且目前情況得一間銀行應該證明個o ...
bam1a 發表於 2016-4-23 07:55



    可能好多人都無睇通一點﹐唔好以為八達通公司推出的服務﹐便是同八達通卡係直接關係。

先講2件事﹐前者未必個個知﹐後者近排新聞都成日提。
1. 八達通公司其實係受金管局監管的「有限制銀行」
2. 而家推出的新服務﹐其實係P2P服務﹐受金管局最新的條例監管。


講到這一點大家會問﹐點解今次新服務唔係同八達通卡本身的新服務。

如果你細心睇﹐你係要經一大輛手續去「開戶」的﹐目的係符合金管局新條例﹐連帶已經有個人資料的個人八達通用戶﹐如要新服務都要重新提交。   (對手tap&go 都係一樣要交個人資料﹐即使你已經係CSL/PCCW的客仔﹐都係要交身份證﹐唯一著數係唔需要自己預備地址証明﹐因為職員會幫你print張賬單出來做地址証明﹐同埋所有野都係職員幫你做﹐所以你唔覺煩)

而新的 OePAY 戶口﹐其實係獨立戶口﹐你係要自己入錢去這個戶口﹐方式有2個﹐分別係用APPS 拍八達通卡﹐在八達通卡扣數﹐另一個係透過銀行戶口(暫時只有渣打)。

緊記﹐唔係直接用你八達通卡的錢﹐而係借八達通卡去把你的錢轉移入另一個戶口。
你張八達通卡只不過等同銀行提款卡的作用。


說穿了﹐只係安全監管性問題﹐這樣即使新服務出現系統漏洞﹐都唔會影響現時八達通卡﹐唔會令你張卡突然無錢。同埋...... 因為八達通卡係offline﹐所以根本唔可能即時在卡入面扣數/入數。

對手T&G 都一樣﹐唔會在你的電話賬戶扣數入錢﹐都係要你去7仔/759或CSL.門市入錢﹐都係基於獨立戶口問題。
不過﹐八達通有一個好處﹐便是使用普及程度極高﹐加上可以隨時把這個戶口的錢轉入八達通﹐係方便過T&G的。


而家只係期望﹐可以提升靈活性﹐可以減省預先登記才可付款/轉錢給其他人的步驟﹐而家要1日才可active到﹐真係搵鬼人用咩。
我開完戶﹐食完飯﹐可以直接即時active過數比人﹐這才有用。

或者﹐而家係經內部測試無問題﹐而家係「公測」﹐所以加以一些限制﹐唔想太多人用這項服務﹐待審視仲有無潛在問題後﹐才逐步放寬各項手續及時間﹐慢慢去大幅吸客。

TOP