[圖片] 日出大嶺桐

本帖最後由 024109 於 2015-9-6 21:26 編輯

清水灣一帶其實係睇日出的好地方,睇星都唔錯。
而睇日出單係清水灣就有至少3個選擇
1.永遠都好多人的田下山,用布袋澳作前景,係網上都睇到好多師兄師姐的佳作。(田下山唔洗諗睇星)
2.釣魚翁,在清水灣一帶睇日出,上釣魚翁係一個唔錯的選擇,因為前方沒有任何山比佢高。但釣魚翁作為三尖之一,夜行上去要好小心。。。(釣魚翁唔洗諗睇星,但可以選擇係清水灣郊野公園睇完,之後行返過去迴旋處前小小,行路梯上返釣魚翁郊遊徑爬上去。不過最近條樓梯封左,所以要上去,只能在深夜坐車去五塊田行過去。)
3.大嶺桐。大嶺桐草比較高,所以唔少師兄會比較抗拒呢個地方,但大嶺桐(龍蝦灣郊遊徑)上有唔少可以睇日出的點。大部份都係石頭之上的。但注意,去大嶺桐最好帶定外套,最好係背包有多少防水能力。。。因為真係好鬼濕,好大風。。。至於睇星都睇到D)

入正題。琴晚我一個人上左去,坐左5個鐘,訓左係塊石度睇星真係幾爽,不過真係好濕.........星我就影唔到<--機器有點老,NEX 5C+E16根本就係夜盲,仲要唔記得帶REMOTE.......腳架又比風吹到遙下遙下。。。SO SAD









夏天日出最靚位置就梗係田下山,前景有布袋澳,在6-7月太陽在袋口出,
釣魚翁日出在冬天會比較好,因夏天太陽在大嶺峒前,
大嶺峒雖看到日出,但就冇乜前景!影相就有前景會好d,
如影日出我吾會上大嶺峒,去龍虾灣海邊影,用岩石做前景影!!
我以上幾個地方都去過了.

TOP