數碼電台唔知會唔會摺

鄭經翰(大班)創辦嘅香港數碼廣播電台( DBC)舊年大灑金錢挖角,但開台僅9個月就盛傳因為勁蝕要開源節流緊縮開支,由下月開始全部 DJ及幕後員工要減人工,減幅由百份之20至60,有傳洪朝豐、陳海琪、顏聯武、麥潤壽同李麗蕊等都無一倖免,梁思浩就同大班講數,應承一年內搵夠廣告錢,所以暫時唔使減人工。

大班未回應

有傳 DBC開台以嚟勁蝕,所以電台惟有下個月全部人減薪。另外,其中以年輕人為主嘅大晒台會 cut台唔做,而大錢台亦會 cut晒講波講馬節目。馮仁昭噚日打電話向大班求證減人工事,佢秘書回覆話大班唔喺香港,佢會將有關問題轉告大班,但到截稿都未收到大班回覆。

洪朝豐日前主持電台節目時,突然宣佈下個月封咪唔做,莫非係同大班今次減人工有關?洪朝豐噚日回覆話:「係有減人工,大班已經對我好好,只係減我五分一,我知有啲減超過一半。但我今次離職同減人工無關,我今次純粹個人決定,因為我想轉型做男高音歌手,重拾我20幾年嚟嘅夢想。」陳海琪就冇否認減人工,只係話:「一間咁大嘅公司,開源節流好正常,不過,我唔係合適位置去答呢個問題,你問番大班啦。」

I like their DBC family channel

TOP

回復 1# 小學生

香港班電台佬只識搞「綜合電台」,但大班有7個台,除牌照訂明要把節目單一類别化即是擺明賠本都要做的「財經台」(03)、「少數族裔台」(05)、「音樂1台」(06)和「音樂2台」(07)外,滿腦子想的是搞三個粵語「綜合電台」,班人根本唔識做,不是聯播就是同類節目於同時段自己打自己,實在無救。

TOP

如果官台唔"就著"嚟玩,
而家冇喺數碼頻道攪啲音樂節目........,
我估 DBC 會挨得更辛苦呢。

TOP

唔係呀  我岩岩先買左  貨都未拎  唔係呀話曬左我288蚊

TOP

其實大班一開開咁多個台我都覺得太多,最好開四個台
一個係Digital We
一個係議論時政,財經,深夜播音樂節目(翻版雷霆881)
第二個係主打足球賽馬,同音樂路線。
第三個係粵曲+古典音樂台

TOP

如果官台唔"就著"嚟玩,
而家冇喺數碼頻道攪啲音樂節目........,
我估 DBC 會挨得更辛苦呢。:giveu ...
logoff 發表於 2012-5-26 10:06 PM

官台DAB音樂節目=PTH 台...

TOP

唔好冇左啦, 人地買左機架

TOP

我一直聽開 07 大戲台的節目 , 而家突然一 cut 就 5 成 , 頂佢呀 我為咗方便放工返家途中收聽仲團購埋部機 , 而家咁搞法 ... shit !

TOP

正所謂多個香爐多隻鬼, 人少少好控制, 香港環境根本唔想出咁多傳媒, 新電視台又唔知搞唔搞得成..

TOP