【亞視易主】今早簽條款書 白武士為香港人持有公司

DAVIDCHAN2013

亞洲電視經理人德勤中國華南區主管合夥人黎嘉恩，今午兩點鐘舉行記者會，公佈有新白武士入標。佢承認確是有新買家，而且王征同黃炳均今早十一時左右已與此白武士簽條款書，不過德勤拒透露白武士身份，只表示買家係一間公司，屬香港人持有。本報財經版消息指真正買家為早前入標的白武士胡景邵旗下基金，胡為收購HMV香港及新加坡業務嘅匯友資本行政總裁，於2009至2011年期間曾擔任橙天嘉禾的行政總裁。

黎嘉恩表示:「雙方一直努力，王先生(王征)，我哋亦有同唔同投資者聯絡，無放棄過，今日有突破性發展，今日早上王征、黃炳均同一投資者正式簽條款書，達成協議同價錢。」黎表示與新買家繼續傾將來點做，又指簽好條款書後，一個月內簽正式買賣合約，德勤亦將繼續申請續牌程序。

黎嘉恩表示，噚晚同今日都出信俾經濟發展局:「updated我哋究竟做咗乜，我哋亦已將條款書呈交，俾佢哋睇我哋嘅情況及有關發展。」黎又承認今日嘅發展「同噚日消息唔同」，又「揚一揚」嗰份條款書，表示:「只可揚一揚俾你哋睇，但唔可以公開實際條款，適當時候會同投資者一齊見傳媒。」佢解釋因為未獲投資者授權，故不便披露白武士身份。

至於亞視會否續到牌？黎嘉恩表示:「一定係續到牌先可以完成合約，唯一可以講嘅係我哋會努力，希望政府明白做一單deal需時間，亞視亦係大眾關注嘅傳媒公司，進行一個deal唔容易，需時間，希望政府衡量公眾及傳媒利益，俾亞視續到牌。」  

http://hk.apple.nextmedia.com/enews/realtime/20150401/53591014

redhothits

咁玩野, 咁新買家咪死火.

cpk

回覆 3# redhothits
交易基本上已告吹，因行會已釘A台牌

saya33

續牌肯定系新賣家要求嘅必要條件，依家續唔到牌就當乜嘢都無發生過！

comm

裝王生彈弓,䏲你中唔中計,唔中計咪收ATV皮,一男子最尾都要玩野