J2播馬 馬會送解碼器

本帖最後由 DAVIDCHAN2013 於 2015-4-16 20:12 編輯

亞視冇牌,馬會已經搞掂下季播馬安排,落實下季由無綫J2台播馬,稍後就會正式公佈。J2台唔係每家每戶都收到,普羅馬迷第一個反應可能係,點解唔係係人都睇到嘅翡翠台同明珠台播,答案其實唔使多講,香港免費電視市場由一台壟斷,馬會同所有觀眾一樣,根本冇得揀。

除非馬迷有畀錢裝收費電視,可以揀睇收費台嘅賽馬直播,否則下季要免費睇馬就得睇J2,要睇到J2台首先要有個俗稱機頂盒嘅解碼器,訊號先至入到屋。聽聞馬會已諗到一個新噱頭,會自行訂購某個數目嘅解碼器,以一個相對極低嘅價錢,可能講緊係象徵式收番十蚊,當係新馬季畀馬迷嘅特別優惠。

雖然馬會財力雄厚,但資源都要用得其所,一個解碼器成本唔平,梗係唔可能準備好大數量,以優惠價益馬迷。聽聞馬會準備送出嘅解碼器都係一萬幾千部,暫時未知有冇額外嘅換購條件。送解碼器都係希望擴闊賽馬節目喺免費電視平台嘅觀眾層面,始終僧多粥少,送出嘅解碼器數目冇可能滿足晒所有需求。

除送解碼器呢招,為方便更多馬迷睇到賽事直播,馬會另一招係擴大利用手機平台。馬會近年已經向部份特選馬迷,向佢哋發出優越卡,持有黑卡、金卡、銀卡和紅卡嘅用戶,現時已經可以透過手機睇到賽事直播。

無論點都好,下季嘅免費電視播馬安排,點都唔可能好似家陣亞視咁彈性,亦必然對某啲馬迷造成不便。馬會只有度多幾條橋補數,希望將影響減到最低。

http://hk.apple.nextmedia.com/realtime/racing/20150415/53634086

到時星期六、日下午的綜藝節目,將會取消。

TOP

真心問一句...有幾多人種使用緊模擬廣播呢...

TOP

亞視冇牌,馬會已經搞掂下季播馬安排,落實下季由無綫J2台播馬,稍後就會正式公佈。J2台唔係每家每戶都收到 ...
DAVIDCHAN2013 發表於 2015-4-15 23:22



    想真正馬迷得益,好簡單,輸出 cut HDMI, 只出天線或 composite, 畫質降至模擬質素,自然只有真正馬迷,屋企睇唔到 J2 的先會要。

TOP

真心問一句...有幾多人種使用緊模擬廣播呢...
lays 發表於 2015-4-15 11:30 PM


真心答一句,敝宅轉左唔夠大半年
唔係部大牛龜壞都唔轉住
 

TOP

回樓上 : 即現在唔係用緊模擬廣播啦...

TOP

提示: 作者被禁止或刪除 內容自動屏蔽

TOP

回樓上 : 係時候買MTV8000D or Contex 康迪斯 USB TV 手指 or P記電視了...

TOP

J2基本上可睇都係外地節目好睇, 同Big boys club, 全部都係晚上播, 睇得下嘅五隻手指數唔晒. 所以播馬總括冇影響嘅. 無扇精神, 全力以赴, 做到最衰

TOP

回覆 3# lays


    old men and old women are using old tv.

TOP