TVB11月至明年3月畫質下降

【本報訊】無綫電視目前向亞視租用頻譜支援其高清廣播的合約將於11月屆滿,集團行政總裁李寶安表示,即使已向政府申請調配自家的頻譜維持畫質,但由於過程需時,因此預期11月至明年3月間翡翠台的畫質將會下降,專家形容,屆時可能會「好似睇緊亞視咁」,與此同時,李寶安直言,有意向政府額外申請亞視明年交還的頻譜。

租用ATV頻譜到期

2013年通訊局踢爆無綫私自向亞視租用半條頻譜,以改善翡翠台和明珠台高清畫質和服務,結果雙雙被重罰20萬元,有關合約今年11月屆滿,李寶安承認獲續租機會不大,即使政府批准無綫調配頻譜,但時間上都不能做到無縫交接,市民要捱四個月較差畫質。

香港互動市務商會創會會長方保僑估計,屆時可能只剩高清翡翠台能提供高清服務,「睇慣嘅人會睇得出分別,可能會好似睇緊亞視標清咁」,他續指若市民家中電視是高清或4K電視機,播出來效果或會更差。

除了申請調配頻譜,李寶安表示有意向政府申請亞視明年交還的頻譜,對於被問及會否憂慮被指壟斷頻譜,李寶安反表示,無綫只有大氣電波一種轉播網絡,反而新對手有大氣電波之餘,亦有光纖網絡,不憂慮會被指獨大。

隨着有新競爭者加入,李寶安預期未來競爭及成本都會增加,但不擔心出現早年港視掀起的挖角潮,因認為now TV是備受尊重的機構,亦會對股東負責,不會如當時港視以非理性價錢挖走員工。此外,李寶安對遠東發展主席邱達昌聯同賭后何超瓊等申請免費電視牌照感樂觀,因對方有豐富媒體經驗。

無綫總經理鄭善強表示,過去四、五個月整體廣告市場出現萎縮,主要因經濟環境及不明朗因素影響,如零售市道不景氣及政治氣氛拖累,料上半年廣告市場都會下跌,但他對港澳經濟反彈能力有信心,加上隨着政改問題明朗化,料下半年可有所改善。

■記者石永樂  

http://hk.apple.nextmedia.com/news/art/20150521/19155131

真係大獲,四個月無高清睇。

本帖最後由 sw1 於 2015-5-21 11:48 編輯

無理由OFCA唔續多幾個月, 令市民無得睇高清???!!! 如果係咁, 反映政策僵化, 仲更加浪費珍貴大氣頻譜資源!!!

反正最尾幾個月, 亞視頻譜都無大用途?!

TOP

回覆 2# sw1
好彩未到奧運,否則OFCA肯定俾人剷到反艇

TOP

一定有底畫質高清  最多好似 現時J2 畫質

TOP

一定有底畫質高清  最多好似 現時J2 畫質
bbbear 發表於 2015-5-21 12:44

問題係現時翡翠明珠, 所謂高清都已經唔係幾得!!! 如果仲比現在差, 不能想像!!!

TOP

回覆 5# sw1

翡翠明珠本來都唔係高清,變翻標清有幾難想像?

TOP

無理由OFCA唔續多幾個月, 令市民無得睇高清???!!! 如果係咁, 反映政策僵化, 仲更加浪費珍貴大氣頻譜資源!!! ...
sw1 發表於 2015-5-21 11:17



    在政府立場而言﹐tvb 真係無理由可以佔更多的頻譜。

自07年開始試播﹐大家(tvb & atv)都有1條獨佔 + 1條平分共用的頻譜。

一開始便講明這條係平分各佔一半﹐所以tvb 向atv 租用被政府發現後咪罰tvb 20萬囉﹐完全無上訴空間。
之後才一次性提供所謂的「合法化」﹐只不過去到今年11月﹐之後再睇下點才決定。


根本 tvb 都知「用多左」總會有一天要還原﹐問題只是tvb 有沒有應有的處理方案。

正如tvb 自己都講可能透過自己的資源調配﹐把81台繼續維持高清。這些野應該可以已經進行申請﹐在不牽涉額外資源(頻譜)的情況下﹐政府批准的機會相當高﹐係唔係需要11月後再加4個月才可轉換完成?

atv 不再存在﹐唔代表tvb 可以光明正大用晒atv的資源﹐所以政府唔批tvb 用額外資源﹐並非無道理。


而政府亦表明﹐收回atv 的頻譜會再作出分配﹐現時tvb 及 hktve 都已經有條件申請﹐而原則上獲發牌的奇妙都可以在取得正式牌照後申請。
即係出年4月1日多出來的1.5條數碼頻譜﹐唔係只得tvb 想要。11月唔再容許tvb renew個「合法化」佔用更多頻譜﹐亦非無道理。

TOP

本帖最後由 sw1 於 2015-5-21 17:03 編輯
在政府立場而言﹐tvb 真係無理由可以佔更多的頻譜。

自07年開始試播﹐大家(tvb & atv)都有1條獨佔  ...
peter_chan 發表於 2015-5-21 14:26

不合理在於如果11月到3月, 不獲延長安排的話, 收回的頻譜, 亞視應該都唔會點用, 反而仲更加浪費珍貴的大氣頻譜!!!

TOP

回覆 4# bbbear
唔好再妄想啦
已經估計係可能差到等同現在的亞洲/國際台

TOP

回覆 9# cpk

更令人擔心係出年為令81更高清,會否令其餘四台淪為標清台?今日曾致電TVB,但佢地未能提供資料!

(Sent from HKEPC iPhone app)

TOP