【亞視大改革】取消八個台名 改為一至八台 財經新聞全講普通話

亞視早前就指有新嘅投資者,而盛傳就係山東財團,新老闆上場,亞視就梗係要做番啲嘢,早前亞視執行董事葉家寶,喺公開活動透露,嚟緊亞視會重組,至於點搞法就要遲啲公布。

不過,本報記者收到消息,亞視除咗開24小時財經台之外,仲諗住取消晒所有台名,亦即係唔再叫本港台、國際台、歲月留聲、亞洲台、深圳衛視、CCTV1、美洲版(東岸)同美洲版(西岸)呢八個台名,改為叫一台、二台、三台、四台、五台、六台、七台同八台,而且佢哋好多個台係以講普通話為主0添。

聽聞一台其實就係做番本港台嘅節目,二台暫定係24小時財經同新聞台,三台係做番國際台嘅嘢,四台就係普通話嘅娛樂頻道,五台係類似以前歲月留聲台播舊劇嘅重溫台咁,但0依家就加埋播電影,另外美洲版東、西岸台就會合而為一,CCTV1同深圳衛視亦會保留並改名,屆時觀眾要揀台睇,就要記得一、二、三、四、五、六、七、八係乜東東台至得啦!

不過,聽聞亞視財經同新聞頻道台主要都係講普通話,又整多個講普通話嘅娛樂台,好明顯唔係畀土生土長嘅香港人睇,target係國內同胞啦!唔單止咁,亞視諗住每個台設一位台長,好似電台咁做,相信對觀眾同亞視員工嚟講,與其搞咁多花臣,不如準時出糧俾員工仲好啦!

當然,亞視經常變嚟變去,開記者會都可以又開又唔開,唔到最後一分鐘,真係唔知佢哋變成點囉。而記者都打過畀亞視求證,亞視方面回應話:「亞視正積極籌備以全新面貌與觀眾見面,包括開設24小時財經新聞頻道等,請觀眾密切留意。」  

http://hk.apple.nextmedia.com/enews/realtime/20150810/54071046

普通話新聞台,真係好彩佢無牌,但都仲有七至八個月比佢播⋯

TOP

學cctv咁?人地中央一台你就亞視一台

TOP

三個字:多X餘

TOP

三個字:多X餘
高登天后 發表於 2015-8-10 20:20


正解,條命一年都冇話明冇得玩,搞笑

TOP

睇下係咪堅

反正ATV 仲有位加多一個1.8M台

P.S 但OTT 仲播CCTV1?! HD 左佢仲好啦

TOP

睇下係咪堅

反正ATV 仲有位加多一個1.8M台

P.S 但OTT 仲播CCTV1?! HD 左佢仲好啦 ...
rickycheng78 發表於 2015-8-10 20:44

直情取消左個垃圾亞洲台,低bitrate轉播多幾條HD台好過啦

TOP

睇下係咪堅

反正ATV 仲有位加多一個1.8M台

P.S 但OTT 仲播CCTV1?! HD 左佢仲好啦 ...
rickycheng78 發表於 2015-8-10 20:44



    係都唔出奇

利用現時仲有幾個月的優勢(免費電視台)﹐吸引一批具潛質的觀眾﹐令他們覺的有野睇﹐令到出年4月要轉平台觀看節目﹐希望這批有潛質的觀眾可以跟隨去新平台繼續支持。

至於這批具潛質的觀眾係香港人﹐內地人﹐定係其他地區的人﹐以至這個如意算盤得唔得﹐真係要ATV自己才知。

最重要的係ATV 在出年4月之前都有穩定的資金﹐唔怕無糧出。
(註﹐剛過去的一期﹐自稱同新投資者有些少文件協議要處理﹐所以未有資金資入)

TOP

冇所謂,橫掂都冇乜人睇

TOP

係都唔出奇

利用現時仲有幾個月的優勢(免費電視台)﹐吸引一批具潛質的觀眾﹐令他們覺的有野睇﹐令 ...
peter_chan 發表於 2015-8-10 21:45


解決到「令觀眾覺得亞視有野睇」呢個世紀難題既人係絕對夠資格問鼎諾貝爾獎呢ching...

TOP