MTK + 電視問題

家中電視係幾年前買落既SONY LCD,有高清,無上網,而老母就喜歡錄電視睇,所以買左個MagicTV 機頂盒(好耐,忘記型號)加外置USB比佢用,但唔知點解收得差,已經加左個放大器。例如我一開PS打機,錄電視就立即收皮,或有時個睇明珠台都收唔清,CHECK 左好耐都搵唔到問題...

最近,就連普通無人用電視下錄電視個系統都好似死死地,翻睇個時畫面會質下質下有,我覺得應該係個 MagicTV 夠期...

而家有幾個問題
1. 換左個MagicTV1000/3300D  = $1300-1500
2. 換左部新電視,本身想用返SONY,但因為佢個新系統無得就咁連USB就錄電視,應該會轉另一部,求意見,50寸左右4k,同PS4無衝突
3. 有無其他方法可以救返?

MTV 機見好多人話易死火牛,或者換牛會有幫助。

至於話開 PS 就影響到部 MTV 錄影,可能係受到 PS 隻牛的干擾。
你用什麼天線?如果係一般家品店買到連頭尾天線插頭啤埋的天線,建議先換線,這類天線抗干擾能力超差。換返條似樣的 RG6 天線。

如果換天線都無改善(或者本身已經用緊 RG6 天線),就可能 PS 隻牛的干擾真係太大,我都遇過類似問題,我房床尾有個舊 VGA Mon 加個 Composite Video→VGA 轉換器用來睇電視,但係一開個轉換器隻火牛,就影響到我房部電腦的 HDTV Card/手指都接收得好差,結果都係要換過隻火牛。好多山寨牛都有干擾問題,以前幫朋友屋企部機頂盒加條 USB→IDE/SATA 轉換線駁 3.5" HDD 做錄影,用跟轉換線買來的 HDD 火牛,一開火牛就影響到經紅白黃線入電視的有線電視畫面出現水波紋,當時朋友屋企剛好有個無用的電腦 ATX 牛,試下改用個 ATX 牛向 HDD 供電,即刻無事!

TOP

隻牛1,2年前返原廠換過,但部機真係好多年,應該有一開始有高清就買

條天線係普通一般家品店買既線,不過我曾經換過,要check下係唔係RG6。

無想過係牛既問題,今晚返去試下唔開USB牛,再睇睇

THX

TOP

尋晚試左,
關閉 PS4, 放大器、USB既電源去check, 一齊關、分開關都試過,但都係質質地,睇黎真係要買過

部野係3100D

TOP

最後買左MTV 1000, 已經可以同時錄影同玩PS4

TOP

相關文章