想食住環球?無綫反食惡果 網絡平台所有歌須下架

「香港依家唔係得一個電視台,其他平台都可以宣傳。」此理不難明,亦是千真萬確的事實。當局者迷,不明此理嘅,可能係無綫。

環球同無綫一度因為版稅問題反面,好不容易先至拉番埋一齊再合作,但最近環球同無綫傾網絡使用權續約,又再反面收場,原因係無綫提出添加一項條項,就係:即使雙方唔再續約,無綫都可以永久使用環球歌手嘅歌曲網上播放,甚至包括埋海外嘅使用權!

呢件事都好荒謬,環球總經理譚先生接受《蘋果》電話訪問時,亦表明難以接受。理由如下;

1.網絡使用權合約,一直都係每三年再簽一次。今年何哲圖同環球傾嘅時候,提出加添呢條不平等條款,要求可以永久性喺無綫網絡平台用環球歌手嘅歌,包括海外嘅使用權。咁以後仲使傾續約嘅?

2.環球唱片係國際公司,公司嘅原則,就算其他網上平台合作一樣,都唔會有永久性,合約完咗要重新再傾。無綫憑甚麼覺得可以有特權?

3.藝人嘅表演係公司最大財產,冇可能合約完咗之後、仲可以永久性擺喺佢哋網上平台再用,因為呢個都係影響唱片公司收入。

份約傾唔掂,環球要求無綫喺合約到期後,將公司歌手所有歌曲下架,問題係,雙方份約,喺今年5月1日已經完咗,如前所述,因為份約係三年renew一次,換言之,今年4月30號之前出咗街嘅節目,嚟緊仲有三年期限可以喺網上播。至於2013年5月1號之前嘅節目,就全失效。

簡單嚟講就係,2013年5月1號之前,無綫網絡平台上,用過環球嘅歌,包括劇集主題曲、插曲,都要全部下架,包括myTV SUPER、myTV等等收費或者免費網絡頻道。試想像一下,一套劇有二十集,每集有主題曲同插曲,集集都要抽番起喎,工程浩大。仲有,環球已收購EMI(百代唱片公司)同新藝寶,而環球前身,係寶麗金。

即係話,寶麗金、環球、EMI、新藝寶喺無綫網絡平台所有歌曲,都要下架。電視頻道則不受影響。

就咁講大家可能唔明,舉啲例子你就明,例如《天師執位》主題曲、阿倫唱嘅《誰可改變》,喺TVB網絡平台要下架。許冠傑、陳百強、張國榮、王菲、Beyond、張學友、陳慧琳、陳奕迅、李克勤等歌手嘅歌,亦需要下架。

無綫原本諗住,如果環球再扭計唔續約的話,尚且可以永久繼續喺網上平台用環球旗下歌手嘅歌,依家得不償失仲要下架,你話無綫/何哲圖係叻得滯定笨得滯?

link


   

有無咁on9既高層,定係想見下報?

呢個世界可能有免費午餐,提出黎已經on99

TOP

可能係上頭order: 出去傾記得加呢條 ! This is an order !

TOP

回覆 1# vault
佢淨係保住星夢便可
反正環球已進駐VIU

TOP

我經MyTV super睇番無記舊劇已經成日要skip片頭歌, 有D煩.
如果傾唔成, 要集集cut走片頭歌,
咁對我來講又反而仲好D.

TOP

回覆 3# frankfrank
幾可肯定

TOP

我經MyTV super睇番無記舊劇已經成日要skip片頭歌, 有D煩.
如果傾唔成, 要集集cut走片頭歌,
咁對我來講又反 ...
PN420 發表於 2016-5-20 15:56


    但套劇如果用左環球配樂,唔通全部靜音處理

我估cctvb會將套劇直接下架,費事煩

TOP

回覆 7# kofz
其實仲有MTVS入面的ATV區
當年好多ATV劇都係寶麗金和EMl

TOP

咁大家見到tbb 重有環球啲歌要舉報下

TOP

咁大家見到tbb 重有環球啲歌要舉報下
buynaka 發表於 2016-5-21 10:13



    以報紙所講﹐有3年期的﹐即係今天(原合約到期日)電視首播的節目﹐而家數起3年都可以網上播。3年前首播的節目﹐而家會到期唔用的。

所以﹐唔係咁簡單﹐一般人好難捉的。

TOP