點解成日話天線無訊號?

本帖最後由 diy-apprentice 於 2016-7-16 17:01 編輯

http://www.hkepc.com/forum/viewt ... t=%2Bdiy-apprentice

話說我幾個月之前都出個帖,話間唔中就會出現『無天線訊號』的警告,不過佢又唔會停左畫面,只係間唔中就彈一次出來,畫面一直係好正常和好靚的,所以我一直都無再理佢,因為3200D和3300D都有這情況,而3200D更係從幾年前新機回來就有這情況,甚至係無左訊號幾日後又自動回復正常添,所以這個問題,一直係懸案,直至最近,終於真相大白了!

前幾日發現連電視機都出現這個警告,而今次就好好彩,真係無晒訊號和畫面,要睇電視就一定要經機頂盒的訊號才可以睇到電視,在追查之下,發現,連接電視天線的接線頭,竟然條線斷左和甩埋出來,我只係在普通電器鋪買那些現成的線和頭一起預先做好的回來用,就咁睇個頭就好似好穩陣,但估唔到佢真係流成咁!

於是我就隨手搵另一條較長的預製線,在機頂盒的天線輸出端連去電視試下,畫面係有,但只限於81台和99台,和31、32、33台,其他的82-85台全部話無訊號,於是再追一次台,結果顯示也是一樣,而訊號強度更顯示只得2,滿格係10!

相信今次的發現,可能同時解答了很多人面對的問題,就係點解個別台收到,其他的收唔到,原因就係訊號強度不足夠!

今日我就馬上去買幾個頭回來,把那此預製線的頭全部剪晒,自己再重駁一次,結果訊號馬上回復正常,電視訊號收足10格,機頂盒第一部也有8格,第二部也有6格(第二部係經第一部的輸出端取出,較第一部弱係正常現象),全部正常使用中,希望唔好再俾我見到有『無天線訊號』的警告出現!

在剪舊頭的過程中,亦發現其中一條的線,在近頭的位置有輕微破損,只係你唔留心去屈佢就睇唔到,所以,線和頭之間接觸不良,或就斷就斷的情況,就係罪魁禍首,所以,換左頭就即時有明顯的改善,長遠點的,可以考慮把引入線換埋更高質素的線,咁就把訊號損失也減少埋添。