求救 機頂盒 既外置hd 既問題

屋企人買左部 PRIMA PM-63DT機頂盒  另外再買個 TOURO MOBILE USB3.0 500GB既 外置HD , 搞左好耐個機頂盒都係格式化唔到個 HD 錄唔到野, 究竟係個外置HD 唔岩用定係點, 請問有沒人可以幫幫手解救下  Thanks~

最好用3.5寸外置hdd,要獨立電源

TOP

個 HDD 駁電腦的話,是否認到個 HDD?
如果得,試下先在 Windows 內 Format 個 HDD,再將個 HDD 駁去機頂盒,睇下部機頂盒可否認到個 HDD。不過,之前睇過另一個講這部機頂盒的 Post,這部機好似要用 FAT32,但係好似由 Vista 開始,Windows 不會將大過 32GB 的 HDD format 做 FAT32 格式,在 Windows 要另外搵其它軟件去做 Format,Google 下應該好易搵到。

另外,用無獨立電源的外置 HDD 係自尋煩惱!在 Desktop 電腦上用都還好,通常電腦火牛的 W 數都預大好多,應該有足夠的額外電量供應外置設備。但其它電子產品,本身隻牛可能都只係剛剛夠自己用,未必夠電再供應外置設備。

如果你個外置 HDD 盒有得駁獨立電源就試下駁火牛,不要靠 USB 取電。一係睇下機頂盒的火牛,試下換過個大 A 數的火牛,不過,部機用 12V 火牛,即係部機內部都要再轉落去 5V 給 USB 用,即使火牛夠力推個 HDD,都加重機頂盒內部將 12V 轉落去 5V 的線路負擔。

TOP

我其實都有睇過其他POST , 試過插落PC係正常用到, 本身個格式係NTFS再嘗試用Windows Format 做 FAT 32, 但機頂盒都係認唔到佢所以先咁煩惱.. 個HDD沒有得駁獨立電源架, 如果我放棄佢想買隻USB手指取代HDD, 係米隻隻USE手指都岩用- -  會唔會又有咁既情況

TOP

我其實都有睇過其他POST , 試過插落PC係正常用到, 本身個格式係NTFS再嘗試用Windows Format 做 FAT 32, 但 ...
希迷~ 發表於 2016-9-4 11:06

買個有電源既 hdd 盒,幾十蚊。  usb 手指太慢。

TOP

我其實都有睇過其他POST , 試過插落PC係正常用到, 本身個格式係NTFS再嘗試用Windows Format 做 FAT 32, 但 ...
希迷~ 發表於 2016/9/4 11:06


USB 手指要夠快。

速度不足的話,不能同時又播又錄。我曾經試過一枝 ADATA 16G 手指插落去部陳年老爺 8 仔類機,單錄一台同時睇另一台直播,錄完再睇錄出來的節目,係正常。

不過,如果錄一台同時播手指內另一個之前錄影的節目,播出來的舊節目好窒,而事後播新錄的節目睇都係好窒。同時錄兩台的話,錄完後播兩個新錄的節目睇又係超窒。同時錄兩台再播另一個之前錄起的節目就更加慘不忍睹。

結果都係用返個 3.5" HDD + SATA/IDE→USB Converter + 加外置 HDD 電源,係最穩定,同時錄兩台再播放另一個之前錄起的節目,都完全正常。

TOP