[教學] Smartone 截數日"攻略"

小弟用埋呢幾日屎馬桶就約滿正式同黎大膠講拜拜, 唔會再用呢個膠台~ 呢個膠台其中一樣膠事就係佢既截數日同合約到期日會有差距, 但係當你打上去同佢講"埋單"既時候, 佢會同你講唔想你最後幾日冇得用, 所以就算最後一期單至合約到期日不足一個月, 佢都會叫你交一個月台費! 而且合約完之前, 佢係唔會同你作任何脹單上既安排!

以前好多人上檔, 亦聽過果 d 乜野合約到期前一個月要通知呢 d 膠野, 不過大家要記住係冇呢回事既!! 合約完左就係完左, 冇乜野你唔 cut 當你繼續用呢回事!

另一樣一定要計清楚既就係最後一期單要交幾多錢喇, 大家唔好以為到最後一期單先計數, 分分鐘可能會蝕錢! 應該係尾二果期就開始計, 因為大家個 plan 分分鐘係有回贈! 你覺得黎大膠呢條粉皮你交左既台費佢會退返比你嗎?

所以除左按比例計返最後一個月月費之餘, 記住計埋回贈, 因為分分鐘你尾二果個月已經唔駛比足錢! 交足台費之後, 仲要主動 contact CS 同佢講數! 如果唔係佢膠起上黎可能會話你"交唔足台費"而 cut 你 service!

希望呢 d tips 可以幫到一 d 一向唔多理 contract 既網友順利轉台!

咁你轉左咩台...?

TOP

yes i also 上檔
very dog of SMV

TOP

可否詳細一點, 點樣尾二個月..

我淨係知佢回贈第二個月先開始計, 去到第25個月...>.<

TOP

你要CHECK返你個電話合約到期日,增值服務到期日同埋截數日先得架~

例如你個電話合約係到2012年10月27日,但增值服務就去到2012年11月28日,但截數日係每個嘅25日~

咁你可以係2012年12月25日之前一星期到你想轉過去嘅電話公司度辦理返相關手續就可以架啦~

不過,你都可以問清楚佢哋,如果你想轉台,最遲要係幾時去想轉過嘅電話公司度搞轉台手續~掃把窿嘅CS一定會答你嘅~

TOP

本帖最後由 kaaeloke 於 2012-7-31 14:08 編輯

呢D成日死既服務~留番比佢地"尊貴既客戶"吧啦

我都係因為呢樣野同佢開波 ..


(付客戶服務主任手寫圖示便條一幅)

TOP

你要CHECK返你個電話合約到期日,增值服務到期日同埋截數日先得架~

例如你個電話合約係到2012年10月27日, ...
microware 發表於 2012-7-31 10:49


佢會答, 不過佢都會講到明張約未完, 佢地做唔到任何安排... 都唔知乜野系統黎

TOP

可否詳細一點, 點樣尾二個月..

我淨係知佢回贈第二個月先開始計, 去到第25個月...>. ...
mlamlam 發表於 2012-7-31 10:31


以我個 case 黎講, 我當年係出 iphone4, 每月 rebate $192, 我最後一期單祗係用 9 日, 月費 $398 黎講, 我當除 30 日都係 $119.4, 就算再計埋 admin charge 同 VAS 都好, 呢 $192 都係有多! 所以尾二果期單已經要計清楚條數. 幾廿蚊都唔好蝕比佢!

TOP

呢D成日死既服務~留番比佢地"尊貴既客戶"吧啦  

我都係因為呢樣野同佢開波 ..  


(付客戶服 ...
kaaeloke 發表於 2012-7-31 14:06


又多個師兄甩難! 恭喜!

TOP

咁你轉左咩台...?
pc2012 發表於 2012-7-31 07:27


因為已有 lte pocket wifi, 所以電話轉去新世界用 384k 3g

TOP