裝修拉線小分享之記著睇實個 C Fu

首先再多謝先前幫我解答裝修問題的咁多位 Ching.

因為有咁多位 Ching 的幫忙同有看舊 post 的關係, 所以我都好容易咁跟 C Fu 講出我所有的要求 ( lan 線要獨立喉, 唔好手拖手, 每喉拉兩條 cat 6 線, 我買的 faceplate 是怎樣的,  blah, blah, blah ...).  所以第一 part 非常順利, C Fu 全部明白無問題.   跟著, 今天上去放低 d cat 6 線俾佢地, 再看看他們的進度如何, 怎知道, 原來... 全錯 . 制位數量有問題 (因為整個位 C Fu 唔清楚我買的 faceplate 是如何), 喉又不是拉兩條 cat 6 (以為是一條), 更可能是手拖手 (這個不太清楚是不是). 總之 ... 唉   好在現在只是放了喉, 地台全部未做, 如果唔係, 真係   宜家要再加喉, 我遲 D 要再上去 check 清楚冇問題同拉倒線先要佢做地板. 其實今次件事唔關個 C Fu 事, 而係之前同我商量的 C Fu 唔係呢個 C Fu, 而係呢外兩個. 我冇同負責水電的 C Fu 直接傾過, 點知就出事了. 因為呢個 C Fu 以為我只是同普通一樣咁拉一條 cat 6, 之前傾個 d 又交代得唔清楚, 所以就出事了. 呢件事使我明白一件事, 就是裝修時, 一定要睇實個 C Fu 做喉和制位有沒有問題, 記著同做個位 C Fu 傾下, make sure 佢明白所以要求, 同做地台之前一定要先 check 清楚, 唔係就遲了. 特別係你的要求比較複雜和多喉, 唔好 expect d C Fu 個個都明白你所有的要求, 全程都要睇實.

提示: 作者被禁止或刪除 內容自動屏蔽

TOP

本帖最後由 mankowk 於 2013-5-24 19:10 編輯

回復 1# 肥老鼠


    邊駛全程睇實........
只係你個承判商有問題.........
你根本無可能全程睇實佢的......

佢唔做好俾你既, 你就可以諗下條尾數, 應該幾時先俾囉....
你之前已經講得好清楚俾佢聽架喇.....
你依家已經幫佢諗咪要點做......已經好好了...

下次裝修搵d 好d既 承判商 喇,
依家 政府係有 註冊小型工程承判商 制度的...........

TOP

個個日常都要上班, 好難睇實去地,所以都係係張單寫明須要點做就算, 到時貨不對辦,就唔好比尾數, 要去攪好先找數.

TOP

回復  肥老鼠
下次裝修搵d 好d既 承判商 喇,
依家 政府係有 註冊小型工程承判商 制度的...........
mankowk 發表於 2013-5-24 19:09


呢個已經係系屋宇處的註冊小型工程承判商裡面找的, 而且仲係朋友介紹的, 同埋亦睇過朋友家中的裝修是 OK 的, 其實手工幾好, 只係對 networking 唔係咁熟. 而所謂的註冊小型工程承判商制度, 我覺得一D 用都冇, 我見過的 C Fu (公司), 全部都 check 過係系屋宇處有註冊的, 仲要係有資格做那一類的工程, (其實宜家法例唔係一定要係註冊小型工程承判商先可以做嗎 ??? ), 如果冇都唔請得啦 ! 我見過的, 全部對 networking 都唔係咁熟, 所以我先提醒大家要特別注意 networking 呢一方面.

TOP

個個日常都要上班, 好難睇實去地,所以都係係張單寫明須要點做就算, 到時貨不對辦,就唔好比尾數, 要去攪好先 ...
ericngau 發表於 2013-5-24 19:19


Contract 寫得好清楚, 只不過宜家的 C Fu(公司), 多數一次做幾個工程, 咁個主要的 C Fu 未必日日都在, 而其他 C Fu 又未必好清楚... 更加唔會睇過張 contract. 我現在都叫佢做番好;  雖然有 contract 保障, 但要做過都要時間架, 同我唔想同過 C Fu 關係唔好... 聽講會好大鑊

TOP

係因為大家都唔肯畫圖紙,有圖紙交低都幾難會出錯

TOP

係因為大家都唔肯畫圖紙,有圖紙交低都幾難會出錯
avdaemon 發表於 2013-5-24 20:39


你講得很對.

主要同我商量的 C Fu 主要係做 design 的, 做事很清楚同晝曬圖, 但另一個主要的 C Fu (水電) 的, 就同以前的 C Fu 一樣, 唔多喜歡坐低寫清楚(雖然 contract 有寫), 所以現在屋宇處的註冊制度, 都係改變不了 d C Fu 的 mentality. 我之前都有打過電話俾屋宇處問我怎知道呢 d 註冊承判商有沒有跟足指引向屋宇處入則之類的, 佢同我講, 其實所有野都可以向屋宇處查詢, 只不過要俾錢.   所以如果唔想俾錢, 都係要信個 C Fu. 當然 contract 係有用, 但係唔係好唔掂都唔想攪到要上 court.

另外, 原來 d 喉放 4 條 cat 6 cable 都應該係冇問題的.

TOP

回復 5# 肥老鼠

我無特別話 註冊小型工程承判商 係特別叻d,
但起碼呢d承判商係有某些資格的, 係分好多個級別的,
主要係講 建築, 安全 等等...

我只係怕樓主搵d九唔搭八既判頭o者..
所以先加句 註冊小型工程承判商,
起碼佢地在責任方面比較好d...

另外電燈佬未必係  註冊小型工程承判商,
佢地會有個機電署出的 註冊電業承辦商,

Networking 既野....佢地梗係唔得喇...
佢地個牌都唔需要呢方面既智識...

TOP

係因為大家都唔肯畫圖紙,有圖紙交低都幾難會出錯
avdaemon 發表於 2013-5-24 20:39


No!有圖紙交低都會出錯

TOP