荃灣匯駿電腦正黑店,七日內有問題都唔換貨

荃灣匯駿電腦正黑店,七日內有問題都唔換貨

事緣上星期五10月24日喺佢度買咗個linksys E1700嘅router


第一日用喺完全無問題嘅,但第二第三日就開始出問題啦,wifi 唔知點解連接多一個設備就唔穩定,port forward 明明set好咗又完全唔work,試過reboot,reset去原廠setting都唔work,想更新firmware,佢又未有新firmware,但上網就無問題,於是今日拎去換啦,何況佢單上面都寫住七日內可以換↓


於是我今日就去返舖頭度搵果個肥仔…

一去到就同我肥仔講出我個問題啦,點知個肥仔呢,就淨係插著咗個router,然後就話無問題丫,你上倒網即係無問題

無論我點樣講出個問題,個肥仔都仍然話上倒網就無問題,佢係無去嘗試去試驗我所講果個問題,之後個肥仔問,你點樣set個router呀?你用乜set呀?

我答佢用firefox,肥仔答:唔得,一定要用IE先set倒,你唔好理咁多,總知一定要用IE set~!(呢一刻我個心彈咗一句"on 9~!")之後佢重話一般呢隻牌子嘅router,上倒網就即係無問題架啦,我地唔會換比你,又話linksys好衰唔會比佢地一換一…

我答咁我加錢換其他牌子呢?佢又話唔得,最後加多句一係我半價同你收返啦,半價同你收返我都重要幫你睇下有無人要添呀~!

無奈之下我只好離開果間舖頭,之後打電話去linksys,對方聽完我個處境之後,首先就回應死肥仔個IE謬論,對方回應無論你用乜野browser都一定set倒,我地可以幫你換,但換嘅都係翻新機,你而家先買得果幾日,我唔建議你咁做,但果間舖頭係有責任七日之內一定要換貨比你,佢唔肯換,我建議你去消委會告佢,之後對方就叫我試下打比總代理,然後就比咗個電話我,重叫我留低電話,佢地日後會更進返

咁我又唯有打去總代理,總代理聽完我個問題後,都係回應咗個IE謬論先,但今次總代理係答IE先set唔倒呀~!然後答覆,舖頭唔肯換比你~!我地換~!咁我就問係咪換翻新機架?對方答覆你先買得果幾日,我地換全新嘅比你~!你呢一兩日上黎啦不過上黎之前記得打個電話黎先…

奉勸大家唔好幫襯呢間舖啦

最後要多謝總代理果位先生,如果唔係,我拎住舊野都唔知點算好

理論上係會換貨.
不過肥仔無料到就成個場都知....

TOP

嘩 呢啲真係好黑店.....師兄真係唔好彩遇到呢啲鋪頭. 多謝提供資料,已入黑名單

TOP

理論上係會換貨.
不過肥仔無料到就成個場都知....
rayabbie 發表於 2014-10-27 19:44


咪就係囉~!寫明七日有得換,但又唔肯換,話自己就算換咗比我,有問題果件貨都退唔返,痴線~!

TOP

換左之後個問題有冇改善到?

TOP

換左之後個問題有冇改善到?
thor330 發表於 2014-10-27 20:34


要聽日先換倒…

TOP

想問下樓主, 總代理同linksys係兩間野黎?

btw, 果個肥仔真係好kai

TOP

咪就係囉~!寫明七日有得換,但又唔肯換,話自己就算換咗比我,有問題果件貨都退唔返,痴線~! ...
addison8406 發表於 2014-10-27 20:21

就算唔寫都會做,而且代理一定會換新比鋪頭.

TOP

想問下樓主, 總代理同linksys係兩間野黎?

btw, 果個肥仔真係好kai
鴨仔 發表於 2014-10-27 20:55

香港有二間代理做linksys

TOP

想問下樓主, 總代理同linksys係兩間野黎?

btw, 果個肥仔真係好kai
鴨仔 發表於 2014-10-27 20:55


linksys我係打去佢總公司囉,要打一個9個字嘅no. 之後總公司就叫我打去代理,然後就話有兩間代理,我答佢喺小瀝原果間,佢就比咗個電話我

TOP