Router NAT效能問題

請問各位ching其實nat效能其實係形容緊咩?lan to wan?
我知一般router wan to lan 較lan to lan差,咁如果將個router當switch用,將個wan port 駁去main router個lan port
仲使唔使nat? 會係wan to lan 速度定係lan to lan速度?

本帖最後由 wyhui5124 於 2014-11-6 20:16 編輯

NAT (Network Address Translation)係將packet個ip address 由 private ip (LAN ip)轉為public ip (WAN ip) 或相反,以前主要用cpu+software去做,但個效能比較低,所以出咗D hardware NAT,用專用硬件去做,咁可以快好多好多(好比高清用硬解,用個雞cpu已經OK)。

一部家用5 ports router(1WAN, 4LAN)其實係一個router+一個switch 組成,LAN to LAN跟本唔需要轉 ip address,所以用唔倒NAT,個LAN to LAN速度就取決於個switch o既限制。

"咁如果將個router當switch用,將個wan port 駁去main router個lan port"
個WAN port就唔駛駁野,用個LAN port駁去Main router個LAN port(當wireless AP/ switch 用),仲要關埋個DHCP,因為只可以用一個DHCP(用main router DHCP)。

TOP

因為街外public network同你屋企個private network本來係唔通嘅.
所有對外嘅request都要經過translation先通到. 呢個程序叫NAT.

當你packet多又散又多session時就好考驗你router嘅處理能力.
就算單線程,但router cpu 處理唔到咁大流量嘅NAT request時就會上唔到某個速度.


如果你隻router 當switch用就無需要理會NAT performance.
因為你上游隻router會處理NAT request.
但你做switch個隻router唔應該wan port駁上游lan port.(除非你隻router可以set wan port變為普通lan port)
正確應該係lan port駁lan port. 之後係做switch隻router 入面disable晒所有功能 例如DHCP等等. 咁呢隻router就會變成一隻普通unmanaged switch.

TOP

唔該晒兩位ching
我隻router行ddwrt, 上官網睇好似話可以用埋wan port, 咁可以多一個port用

TOP