[操作疑難] HKBN升級1000M,比安裝師傅激死。

本帖最後由 lth4433 於 2015-1-30 13:06 編輯

三月先到期,HKBN每個星期打電話來煩你續約,
原用的BB100加價到$188,升級BB1000就$213,
三日前換左個新SALES打電話來,見佢態度幾好答應了升級BB1000,

PS : BB100原用的CAT5E,其中的一對線用了來做電話,
       所以升BB1000要加多條線先做到,需要穿過兩間房同廳的。

約了前日師傅上來安裝,出現的係一個年輕金毛師傅,
我同佢解釋完要點穿之後,佢左睇右睇左五分鐘同我講佢做唔到,
問我要唔要明線,我拒絕左之後佢話幫我CUT ORDER。
佢走左之後我打上去128 100,同佢講話師傅唔係太認真,
要求換另一個師傅再安裝,點知又比客服激死......

客服再同我約時間安裝,但要去到2/7號先再有師傅來,
而原因係話要同我屋苑管理處預約,但我住左20幾年都無聽過有咁要求,
然後我問佢師傅最快幾時可以上門,管理處果邊我自己安排,
佢答昨日就有師傅可以上,但公司要七日做手續所以都係2/7。
呢一下我就嬲嬲地問返佢點解昨日先同你Confirm升1000M,
今日就可以安裝,但你師傅諸多原因唔肯做,就要再等一星期手續,
最後客服回覆昨天可派另一師傅上來再安裝。

如事者,昨日另一個年輕安裝師傅上來,同樣地我同佢解釋點走線,
佢知道要經過兩間房後,又係答我佢做唔到,問我要唔要明線,
我話唔得逼佢試下穿,佢又同我講話咁穿佢條穿線帶會卡住,
我即刻掉左我自己條穿線帶比佢叫佢用,佢求其插左兩下就同我講,

「穿唔到喎,唔信你試下。」

我嬲到立即叫佢走,我專登請左兩日假比你HKBN安裝,
你連續兩日搵人來耍我,我無興趣幫你教D師傅點樣做!
最後昨晚我自己穿,一條CAT5E穿好哂客廳同三間房,
由屋企第一個入線位去到最入間房完全無問題。

我一個小小客人都做到我完全唔相信兩個拉線師傅都做唔到。

而家反正我都拉好哂線,我搵邊間公司上來打幾粒豆都得啦,
HKBN的安裝服務我對你嚴重不滿!

out source係咁上下, complete到單先有錢, 遇著搞得耐都寧願唔做, 密食當三餐

TOP

out source係咁上下, complete到單先有錢, 遇著搞得耐都寧願唔做, 密食當三餐  ...
iamgozilla 發表於 2015-1-30 13:21



    以我所知係有全職同OUT SOURCE,全職係做又36唔做又36的,OUT SOURCE就係完成到先有錢,
剛才打左電話上128 100投訴,跟手個SALES立即就打電話來跟進,我都唔想為難個SALES,但而家係安裝部門的不認真令佢無左張單,我話如果安裝部門無交代既佢都唔需要再打比我。激死人

TOP

我一樣,hkbn個c fu話入吾到門囗吾做, pcc咪做到,公司請到倒米真慘

TOP

我都試過類似情況,HKBN師傅先遲到四小時,又唔講幾點來,師傅來到已經是晚上七點幾。師傅係咁易試兩嘢就話拉唔到線,問可唔可以用明線,再加無線路由器。我用得你BB100,就係唔想俾無線拖慢。結果師傅唔做,走咗。

TOP

out source係咁上下, complete到單先有錢, 遇著搞得耐都寧願唔做, 密食當三餐  ...
iamgozilla 發表於 2015-1-30 13:21


我唔係做嗰一行 亦唔係幫d師父講好說話
不過單單生意 唔埋難度统一收費
D師父好難唔選擇去做,人人都要養家,試下將心比己啦。

我每次有人上屋企攪野又好去剪頭髮又好 都係汽水先行 貼士先比  ,雞脾打人牙骹軟 ,次次都冇瀨野。

TOP

本帖最後由 ericim 於 2015-1-30 14:02 編輯

我朋友之前經外判公司申請hkbn 1000, 第一次安裝師父係hkbn,情況同ching一樣,後尾外判公司揾自己師父穿光纖,暗喉過四間房,第二日hkbn cs 打電俾我朋友話師父報告未能安裝申請會取消,我朋話揾人駁好晒,只欠盒仔和走廊光纖未接機樓,最後又係同一位hkbn師父上門安裝埋d手尾,重問邊個咁好人穿喑喉安裝,所以ching可以問下你屋苑樓下hkbn d sales 可能有外判師父電話,希望幫到你

TOP

我唔係做嗰一行 亦唔係幫d師父講好說話
不過單單生意 唔埋難度统一收費
D師父好難唔選擇去做,人人都要養 ...
ococ 發表於 2015-1-30 13:55



    我明,但香港有邊份工唔係咁?
返工唔係只係為錢,要比小小責任感自己。

TOP

我朋友之前經外判公司申請hkbn 1000, 第一次安裝師父係hkbn,情況同ching一樣,後尾外判公司揾自己師父穿光 ...
ericim 發表於 2015-1-30 13:57



    太遲啦我自己穿好哂了.......

TOP

out source係咁上下, complete到單先有錢, 遇著搞得耐都寧願唔做, 密食當三餐  ...
iamgozilla 發表於 2015-1-30 13:21

普遍聽到要穿兩間房會覺得麻煩唔想做,喺唔憂無單做既情況下一定取易不取難,請問樓主自己穿線穿左幾耐?

TOP