[操作疑難] 其實而家邊間寬頻好。。。?

話說我都用左 PCCW 十五六年, 由 1.5M iTV + BBI 用到而家 300M 都冇轉過。 所以我個人o既思想仍然停留左晌 icable 連希特拉都 cut 唔到, 3 就慢到任何時候都上唔到的年代.

最近買左部鄰國出品的內置 Android  投影機返來玩,發現睇鄰國D video stream 超慢, 優酷土豆樂視百度云蝦米通通都慢到唔到。 日頭就有百零200k 可以勉強睇到 SD 版,夜晚就介系 0kbps 同2kbps 之間。 心諗,d source 晌鄰國, 慢都好正常姐。。。亦都不以為意。夜晚咪睇d 平時 download 定的戲囉

真至有一日,我揹左部投影機返我啊媽屋企同佢一齊睇戲,點知佢屋企個唔知幾多m 的 icable 竟然 stream 個個大陸網都過千 kbps... 呢一刻。。。我忿怒鳥。。。 原來俾 PCCW 呃左咁耐。。原來第d isp 可以咁快...

因為都十幾年冇用過其他 ISP, 所以想聽聽大家的建議,要轉台應該轉邊間好? 唔打機,間中 BT, 要大量 upload 相 (每星期都超過 20gb traffic) 去外國網站如 flickr / picasa / youtube, 但又想偶爾睇下鄰國電影 stream. 感謝

本帖最後由 NeTZoO 於 2015-2-5 11:01 編輯

其實無一間穩穩陣陣去下載國內視頻!你亞媽用既寬頻pk寶順我覺得佢pk 寶少人用而已~
不過咁啱呢期(or 長期)老電又限哂d國內視頻網速,所以你至感覺慢到咁!

老電以前比我感覺係穩定(幾年唔斷線)同出海快,而家係見佢又送呢樣又送6G電話咭,都應該估到佢唔再係用服務去SALE人!

你老電比緊幾錢個月?如果貴over 200 咪試下bb1000($178 左右),不過講真如果唔合你心水就要涯2年約,呢d真係唔想立亂叫你轉!

TOP

和仔去美國都好快....家陣仲諗緊會唔會轉左仲衰

btw,和仔去中國仲慢過去美國....

TOP

老電俾緊 138 300M, 其實私樓黎講算係無敵價, 事實上15 年來我只壞過一次 modem, 基本上係零麻煩. 但最近半年,有時連 youtube 都會開唔到, 閂 wifi 用返老電 4G 又立即睇到。。。都唔知係邊度出問題.

師兄你話老電限鄰國視頻網晌邊度收風收到的 ? 咁知唔知香港寬頻有冇類似情況? 如果轉香港寬頻,我會想用 100M instead of 500/1000 M, 唔想屋企多隻 modem :P

TOP

本帖最後由 NeTZoO 於 2015-2-5 14:11 編輯
老電俾緊 138 300M, 其實私樓黎講算係無敵價, 事實上15 年來我只壞過一次 modem, 基本上係零麻煩. 但最近 ...
dulllou 發表於 2015-2-5 11:26


唔係收風,我自己親身試,就算老電商用線一樣限左~(齊執執幾百k,比下斷下比下斷下咁)
同一時間試hkbn 100/1000 唔會有咁情況~

仲有要而家穩定上到大陸視頻網去,我估而家只有用商業線(除左老電),當然仲有好多因數會lag啦

TOP

邊間好都唔關我事, 我屋企得 PCCW 30M 及 HKBN 100M 到

TOP

提示: 作者被禁止或刪除 內容自動屏蔽

TOP