TOTOLINK 穿牆router N300RB試用報告

因為倉嘅面積比較大,所以要買隻可以距離遠D嘅router,但功能就無要求,琴日走去黃金搵,搵到TOTOLINK,TP-Link同華碩都有用8/9 dB天線嘅穿牆router,TP-LINK好似一直同我八字唔夾,所以唔考慮,而TOTOLINK就最平所以買咗TOTOLINK N300RB,好似$239,跟住返到屋企就先setup咗然後先攞去倉,結果發現個router慢到近乎用唔到,上hkepc起碼要5秒先load完,所以打算今日攞去換, 但死馬當活馬醫,先試試update firmware,上大陸totolink.cn慢到嘔(已換回平時用開個router)而且無呢個model,所以就去咗台灣totolink個網站(搵唔到totolink香港網站),見已經係9.x而我個重係8.X,所以就download咗黎換,第一次update唔得,因為未upzip,不過佢個網站無講要unzip,而且unzip完都係一個file,都係一樣大細,點解唔直接俾人download個firmware?或者加個提示,點都好,終於升咗,即時兩個世界,hkepc半秒唔使就load完,上其他網都無哂問題,感覺上同用開個AC68無分別,惟一問題係介面由英文變咗繁中,而又無其他語言可選,攞返國內可能同事同起黎會麻煩D。
跟住搵個電話試吓佢個Wi-Fi cover,隔咗四幅牆,其中一幅係主力牆,大約30幾呎,收到,但得一兩格,不過好奇怪,速度又竟然好快,同滿格無乜分別,平時同樣距離用AC68個5G Wi-Fi得一兩格而且係會好慢,同有時完全無反應,用2.4G就滿格(平時用開個AC68)或者跌一格,但反應速度就明顯慢咗好多,不過呢個就仍然反應相當快,跟手貪過癮setup埋佢個VPN,VPN速度就麻麻,得5M唔夠,係大陸上吓Facebook無問題,但FTP用就太慢,所以結論係粗用都OK,但記得update firmware。
後來將個router由放地下改為放咗上檯,即時Wi-Fi滿格,但唔覺速度有分別,因為之前得兩格都反應相當快,但download大file就有D分別,所以router都係放高會cover得好D,報告完畢。