頂...落手打三更,跌咗落和仔個屎坑

9月1 號安裝完光纖入屋,個家居電話轉埋做數碼接駁,由SALES開始做說客到師傅上門安裝完,都冇人同我講過一部電話數碼機祗能接駁一部家居電話,現在就得個廳有電話用,睡房就因為冇接埋線,冇得用.師傳祗有喺安裝前問過我兩條線一齊响就可以啦???當然係正常運作,一接就兩個位置都有响聲,由新樓落成到現在都係正常兩部機用一個電話.就算網絡公司轉過三間,都冇影響我個電話運作........師傅試完電話之後就將啲線塞番入去個牆身個SOCKET裏面.三扒兩撥簽收到下家莊...到有電話打入,先至知兩個祗能活一個....頂!!
翌日就打電話到和仔3166-3333,將情況投訴.之後.期間幾乎每日熱線電話職員不停地好盡責咁講,一機祗能接一部電話,唔建議我接多於一部嘅電話,會影响網絡速度,大佬呀,電話就算真係會影响個網速,但並唔係每一分每一秒都用電話啩.兼且我祗要求你將睡房嘅電話線駁埋一齊就得嘞,唔需要再重新接線加SOCKET,咁簡單嘅小事都要疲於奔命咁打電話.,..........直到昨日,講一輪之後又話師傅約唔到,.......咁即係點呀?約唔到就推莊.
要我等一輪,之後番嚟就話約好師傅,中午2點至4點上門檢查,唔係安裝出問題就免費維修........超那星,以為可以將問題解決喇,點知今日又再次不停電話响,又再重覆一機祗能活一個.............投訴無門.
附件: 您需要登錄才可以下載或查看附件。沒有帳號?註冊

數碼電話即係IP phone, 要將電話線signal 轉成IP packet 去打電話
以前可以兩個電話一齊用係因為PSTN 用嘅係DC電, 就等於你插蘇可以用拖版一樣
如果佢個 PSTN  -> IP phone 嘅轉換器唔support 兩個頭, 好大機會佢上多黎幾次都唔會有結果, 一係硬食, 一係踢約.

TOP

約就唔可能踼嘞,數碼電話就唔可以好似個"Y"字咁T兩部電話.但當初若果SALES有咁同我講過話祗可以得番一部電話可以運作,我就完全唔會考慮JOIN個數碼電話PLAN,照舊用返固網家居電話.但現在就攪到咁嘅屐樣.....幾乎10年前用過和仔10M PLAN都成Q日斷線,正式本來無一物,何處惹塵埃.......!
安排咗今日下午有師傳上門,到時睇下師傳點做嘞.

TOP

多年前拎敎過和仔數碼電話,真係無下次,比都唔好用

TOP

和仔唔係咪好野,但你無問清楚先,真唔怪得晒人

TOP

你 say yes 之前有冇問過人有冇問到先

正常都係預你一個電話用

TOP

提示: 作者被禁止或刪除 內容自動屏蔽

TOP

用數碼電話定ata+傳統電話?

TOP

用數碼電話定ata+傳統電話?
321 發表於 2015-9-12 16:57

係數碼電話....家居周邊可能有干擾(揚聲器磁場...等),以致電話通話期間,有十分刺耳回聲..今日打咗電話搵番嗰位SALES,同佢講,想轉番用傳統電話,要捱三年就真係受罪..

TOP