[測試] Linksys EA7500 訊號接收能力 (唔係試速度有幾快)

本帖最後由 chips 於 2016-4-26 20:46 編輯

本人見 Linksys 都算係可靠的牌子所以都膽搏膽咁樣買左隻EA7500來玩玩.  我其實係一個非常睇"成本效益"既人, 需然 Linksys 算係 router 大阿哥, 不過依家既電器比起以前已經"蝦碌"左好多, 好多野唔用多D錢買會俾普通野你.  呢隻野話曬都成 $1200 , 數目都唔算細, 但當然唔好同 $2xxx ~ $3xxx 果個級數比較啦.

我唔講咁多咩速度幾快幾快啦, 因為呢D其實對我唔係好重要.  upload/download 快慢少少都唔係咩問題, 同埋好多其他 ching 都做左開盒速度研究.

我直接簡單講訊號同穿牆既數據.  我之前用 Asus RT-N12HP (有2條長天線果隻),  其實呢隻野接收算唔錯, 當然好多人都話天線長左係唔係真係有關?  對我來講訊號真係算強.  但我見我用緊 500M 寬頻, 都想用盡D速度就索性買 EA7500 試試佢.  我見好多外國 review 都好正面, bestbuy 有好多買家 review 話間屋幾大幾大都接收得好好.  咁我諗住人地咁大間屋都接收得咁好, 我多幾幅主力牆但屋細咁多應該唔會太差呱?  

點知 .... hmmm ...



有D位間唔中 5Ghz 會失埋訊號添
我部 RT-N12HP 原本都係放響依家 EA7500 個位, 原來我本身部 RT-N12HP 都接收得幾好!

雖然我都會間唔中 download 野, 但我無用NAS, 無睇4K果類野, 所以我唔需要常常極速, 反而 ping 同反應快最重要因為我都玩好多上網 real time 遊戲 所以唔想 lag.


結論係 ...
硬件上唔會懷疑呢個 router.  事實上呢個價錢佢都算俾足佢應該有既野.  但如果大家真係以為覆蓋範圍或穿牆能力都會高一班就會失望.

事實上可能我唔應該期望任何 router 可以穿牆穿得好出色, 但無諗過真係兩幅牆就可以打殘曬D訊號 .............
附件: 您需要登錄才可以下載或查看附件。沒有帳號?註冊

2.4G Vs 5G.........

TOP

2.4G Vs 5G.........
karsa 發表於 2016-4-26 20:49



   

TOP

我都係 EA7500 用家,講真佢穿牆力唔係特別強,但勝在穩定。我將原本用開嘅 Linksys E3000 放喺死位放 wifi。

via HTC TyTN II

TOP

你間屋咁嘅間隔,就算隻router擺正屋企中間天花板. D房都唔會用到5G全速甚至用用下會自己跳番落2.4G..
2.4G應該冇問題,唔會差過你之前隻華碩.

TOP

" 我見好多外國 review 都好正面, bestbuy 有好多買家 review 話間屋幾大幾大都接收得好好"

不過人地外國多數係木屋呢....你搵d石屎同鋼筋比好難搞喎ching

TOP

Signal Penetration is not good...I and my family is very  disappointed...

TOP

cover計
無乜可以比得上 asus 個兩隻
Asus RT-N1xHP  
長天線version

TOP

回覆 8# plc1222


    Ea7500 DIY 長外置天線? (可換)

TOP

回覆  plc1222


    Ea7500 DIY 長外置天線? (可換)
karsa 發表於 2016-4-27 15:48


咁當然ok啦

TOP