[齊表態] 原來900/1800頻譜就嚟又到期

政府靜靜雞做緊第一輪諮詢,最後今日就完,如果拎晒出嚟再投過,又有籍口加電話費,HKT都幾瀨嘢,我又唔想中移動又投多幾段頻,搞到其他台唔夠頻做CA,變到網速仲慢過依家

原來參與諮詢好簡單,寫封email去呢落就得:consult-900-1800MHz@ofca.gov.hk

各位電訊高手,一齊盡吓力啦畀啲意見啦,大家都唔想間接資助政苦啲大白象工程ga la

頻譜擬收回重拍 電訊商勢加月費 成本達數十億 力倡自動續牌   

https://hk.finance.yahoo.com/new ... 2%BB-223000396.html

流動電話月費隨時可能因政府收回頻譜重新拍賣而三級跳。政府擬收回大部分4年後到期的2G及3G合共200Mhz(兆赫)頻譜再拍賣,估計可為庫房帶來百億元收益,網絡商若要取回有關的頻譜,動輒耗資數十億元,成本自然「自動轉帳」予用戶,業內人士估計每名市民日後通訊月費平均加10元。

本港4家流動電訊商,包括香港電訊(6823)、中移動(941)旗下中移香港、數碼通(315)及和電香港(215),現時使用的900兆赫和1800MHz頻譜(上下行共200MHz頻譜),將於4年後陸續屆滿,通訊事務管理局於今年2月初,建議就上述頻譜到期的處理方法提出3個方案(見表)並作公眾諮詢,預計在2017年11月公布有關決定。

每名市民約攤分10元
  將於2020年11月及2021年9月到期的頻譜共200MHz,最初只是用作話音通話為主的2G(第二代)服務。然而流動電話商已把部分900及1800MHz頻譜重整(Refarm)為3G及4G網;加上900MHz穿牆滲透能力較高,故電訊商對這些頻譜料不會輕言放棄。網絡商擔心若於拍賣中失去其大部分頻譜,將嚴重影響其3G及4G服務。

  業界普遍預期,當局會一如年前3G頻譜到期時採取的混合方案般,即把收回部分頻譜再拍賣。在羊毛出自羊身上的情況下,恐最終由客戶「埋單」,月費加幅隨時比2014年3G頻譜拍賣後的加幅更高。有網絡商支持自動續牌的方案,因可令通訊服務不受影響,讓市民受惠。

  參考當局在2011年拍賣850及900MHz,以及2014年拍賣1900至2200MGh作價,每MHz作價約1億元及4900萬元(見附表)計,4年後可能會用作拍賣的頻譜連同網絡商保留的頻譜部分涉資約100億元,網絡商要取回原本的頻譜,須耗費20億至最多近50億元,當中以擁有89.4MHz頻譜的香港電訊壓力最大。若以全港750萬市民計,即每個市民每月攤分近10元頻譜成本。

香港電訊壓力較大
  有網絡商認為當局應參照歐美國家的做法,讓現有電訊營辦商自動續牌(見表)。不過亦有例外,愛爾蘭、荷蘭及紐西蘭便因頻譜並未有被充分利用,曾將頻譜重新拍賣。

  數碼通回應時指出,會對有關方案作出研究,暫未有評論。香港電訊發言人稱,正在研究有關方案,會在適當時候提交意見書。中移動亦稱會研究有關方案,暫不便透露詳情。和記電訊香港將於稍後提供有關意見。並強調有關安排應先以公眾利益為依歸,不應影響流動通訊用戶所享用的電訊服務水平。通訊局指出,由於業界的要求,諮詢期已延長1個月至5月18日才結束,目前尚未收到來自電訊商的意見書。

頻譜收回再拍賣建議
方案一        行政指配模式,給予現有頻譜受配者優先權重新使用原有的頻譜
方案二        市場主導模式,以拍賣方式重新指配所有頻譜
方案三        混合模式,收回網絡商80%現有900或1800兆赫頻譜,網絡商只保留20%(約40兆赫),收回合共160兆赫的頻譜將重新拍賣

回覆 1# 蘇達陳


    3大公司我估最想係自動renew(錢係後話)﹐中移香港最想要有埋900﹐可以的話再加1800。

分分鐘﹐最合符公眾利益的做法係先睇中移香港要唔要900/加持1800﹐問政府會唔會有新公司加入(做下樣)。

如果要900/增加1800﹐便由3大公司撥少少出來。

當大家講完要唔要加/減之後﹐大家再處理頻譜分散問題﹐把所有不相連的部份﹐全面重整﹐令到所有公司都可以全部係相連頻譜﹐唔再有分散問題﹐以發揮最大效益。

TOP

要有新公司加入先會平。

TOP

要有新公司加入先會平。
kwongoc_1016 發表於 2016-5-18 12:06



    根本同有無新公司加入無關係﹐因為現實上再沒有新公司有興趣加入香港已經高度發展的市場﹐無可能夠原有營辦商爭生意 (基於建設網絡的時間及金錢)

所以﹐來來去去只會有現有營辦商去爭回頻譜。


要平﹐可能性亦唔高﹐事關政府都會做最後把關﹐唔會容許電訊商合謀出低價﹐會與其他大城市睇齊。

即使電訊商真係可以用平價入貨﹐亦唔代表他們會回饋客戶。

TOP

政府靜靜雞做緊第一輪諮詢,最後今日就完,如果拎晒出嚟再投過,又有籍口加電話費,HKT都幾瀨嘢,我又唔想 ...
蘇達陳 發表於 2016-5-18 10:45


    支持重拍,....電訊商要加價耤口可其多,好似pxxw一次大合併就大加價啦,佢慳左唔代表會...唔加價...or....减價

TOP

我記得上一次,一堆打手出千字文偉論咬牙切齒咁講消費者會得益,可以更低價格享受服務,結果呢,咪又係加價,跟住D手手們都好似潛晒水

TOP

本帖最後由 kentck 於 2016-5-18 14:02 編輯

自動續牌咪又係俾4大加價, 最好就有新營運商入來爭生意!  希望香港寬頻進取O的做埋流動網絡!!!

HKT 係最HIHI, 合併完後個網差O左好多, 仲要加價加得最多! 之前有5間既時候價錢平, 網絡又唔差, 起碼有多間揀!!

TOP

回覆  蘇達陳


    3大公司我估最想係自動renew(錢係後話)﹐中移香港最想要有埋900﹐可以的話再加1800。
...
peter_chan 發表於 2016-5-18 12:00

中移香港想要900一回事,其他3間有現有設備,點都有優勢,競價時未必可以抵得住。我覺得900最有可能係HKT 10MHz, 和記5MHz (配合另外一段900MHz 5MHz), SMC 10MHz

反而中移響1800度極有可能拎夠10+5MHz。

TOP

中移香港想要900一回事,其他3間有現有設備,點都有優勢,競價時未必可以抵得住。我覺得900最有可能係HKT 1 ...
Brainstomer 發表於 2016-5-18 14:00



    如果講設備﹐我唔信近年的4G設備係唔支援900頻譜。

換句話說﹐而家中移有2100﹐其實在設備上唔需要額外投資好多﹐因為當年新添置的4G設備﹐已經支援3G及2100頻譜。

而主流設備亦應該支援900頻譜﹐所以這一方面唔會引起好大的設備投資。

TOP

如果講設備﹐我唔信近年的4G設備係唔支援900頻譜。

換句話說﹐而家中移有2100﹐其實在設備上唔需要 ...
peter_chan 發表於 2016-5-18 14:43

睇啲中移fans啲相,啲機,天線逐個band咁計,中移如果有900,就需要更換全部天線,加新機器。擺唔擺得落都成問題。

TOP