想監控樓上邊戶掉煙頭落地下,請問有無什麼IP Cam solution?

朋友家居於地下連部分戶外天井位, 經常遇到樓上有人掉煙頭下來的煩惱。其單位屬舊樓, 樓上只有五六層, 範圍唔算太大。管理處已對每層發出通告, 但收效不大。

朋友問我有無室外ip cam 方案, 可以向上監察邊戶掉煙頭以供管理處跟進。天井位對出亦已有室外光管, 可以經那裡出電。但就沒有其他喉走LAN 線, 所以應該會行wifi。

請問有無師兄有類似經驗分享? 可以自行安裝室外IP Cam 作監控及收阻嚇作用呢?如有, 有什麼的室外ip cam 可以建議?

本帖最後由 留白兄 於 2016-7-10 23:24 編輯

建議你煲煲港台播緊既私隱何價II先
cam呢d唔係影自已範圍唔係你話裝就裝
即係 如果你朋友擁有既係天井 你影天井地面係合情合理
但如果向上影向天 應該要由大廈裝而唔係由你朋友裝
cam片亦應由獲授權人仕處理

TOP

地下連部分戶外天井位
你朋友住嗰到係咪每一尺都合法先

TOP

依D野,自己私下做算.

TOP

請咨詢你的法律顧問專業意見

TOP

建議你煲煲港台播緊既私隱何價II先
cam呢d唔係影自已範圍唔係你話裝就裝
即係 如果你朋友擁有既係天井 你影 ...
留白兄 發表於 2016-7-10 23:18


多謝師兄資料。依點亦係我自已對此事有hesitation 之其中之一原因,所以出post 都係先攞多D資料及可行性。

回其他留言,天井位100%屬於朋友單位。正如之前有講,管理處有跟進包括通知上層所有單位有關問題,但無人理會。而且由於天井位屬私人地方,管理處不會出公數裝監視器。

但朋友對樓上不聽勸告無視投訴繼續掉煙頭感到煩擾, 才想出此策以收阻嚇作用。鏡頭亦只打算向外牆範圍。

先多謝任何合適的建議。

TOP

多謝師兄資料。依點亦係我自已對此事有hesitation 之其中之一原因,所以出post 都係先攞多D資料及可行性 ...
ahllau 發表於 2016-7-11 09:56

自己裝一定唔得,實俾人告返轉頭。

有人喺屋企時放一張膠枱布喺天井,煙頭會燒穿膠布,然後報警,再同管理處投訴有私人物品損毀,逼佢裝。

TOP

又或者咁講, 向上影又如何? 試下影星影雷唔很得? 不過意外地拍到樓上掉煙頭.

TOP

又或者咁講, 向上影又如何? 試下影星影雷唔很得? 不過意外地拍到樓上掉煙頭. ...
Inty 發表於 2016-7-11 10:56

如果樓上係浴室位置,你同個官講話影星影雲得唔得?

TOP

回覆 9# buynaka

你會唔會由地下影到上去入面先?
呢D野多數都係你影到先出聲ga啦....唔會事先揚開掛...
仲有, 老實講, 片係你道, 你會唔會爆自己?

TOP