本帖最後由 milanolarry 於 2016-9-5 15:08 編輯
早排響屋企部 RPI 起左6個 vpn,上星期有機會跟左個 cheap cheap 團上廣西,順便試下邊隻 vpn 行得最順。測試目的係試下邊隻 vpn 翻牆效果最好,冇做 speed test,因為酒店條線得果 2-3 M,話快話慢分別吾會太大。6個 vpn 包括: pptp, SSTP, OpenVPN, Sothether, Openconnect 同 Shadowsocks。我屋企用 PCCW 200m線。
第一次測試係響廣東三水一間路旁既飯店進行,因為食完飯仲有成20分鐘先開車,而飯店又有 wifi,仲行得幾快添,所以即刻用部 Android測試。由於 Android 吾 support SSTP 同 Sothether,所以只測試到 4個 vpn。每隻 vpn 都成功連線,同行得非常暢順。每隻 vpn 都行左 3-4 分鐘先轉第二個。 Shadowsocks 行得順吾出奇,最奇怪係連一路話俾人封左既 PPTP 同 Openvpn 都行得到,仲要行得幾順添。
第二次測試係響梧州一間三星酒店進行,由於時間比較多,每個 vpn 都起碼行 30 分鐘或以上。結果係 6 隻 vpn 都好順咁行到 30 分鐘。唯一出問題既係 openvpn ,響 30 分鐘後第二次連線之後就不停咁受到干擾,最後用吾到添。另外,Openconnect 都斷左一次線,不過再連翻線後就冇出現過問題。主觀感覺上 shadowsocks 同 openvpn (udp) 速度最高。最使我出奇既係居然連 PPTP 都冇問題。我仲特別用多成個鐘都冇受干擾或者斷線。*** 吾好以為酒店條線有吾同,試過吾用 vpn ,酒店條線係完全出吾到外面***
今次測試既結論係一,要快要穩定,shadowsocks 係不二之選。二,有好多話俾阿爺封左既 vpn 其實吾一定行吾到。其實我響珠三角一直都只係用 PPTP,咁多年都未出過問題。 |