各位想轉 hkbx,要諗諗

剛由 PXXW 100M ADSL 轉 HKBX 光纖服務,係地鐵站做登記,講明送LETV、My Super TV 同埋 6 個月嘅流動通訊 (Sim 咭),因為我係 8 月登記,9 月上門睇,若可行的話才安裝,11 月 PXXW 合約完結後才開始 HKBX 服務,所以張 SIM 咭要等啟用後才通知領取。由於安裝時 CUT 咗入房條 LAN 線,即時停咗 PXXW 嘅寛頻,要提早開始 HKBX 服務。問 HKBX 客戶服務熱線如何取得 SIM 咭,佢哋話合約無寫就無。我同佢講不是我自己話有 SIM 咭的,你哋可以 Check 吓嗰幾日呢 team sales 係地鐵站做嘅單有無送 SIM 咭。佢話每個客人嘅優惠不同,只能跟合約或睇 sales 入電腦資料。怪只怪我無睇清楚合約必須要寫齊各項優惠,唔好信啲 sales 口講。

安裝時個 technician 都好渣,夾 LAN 線後用 TESTER 檢查發覺條線唔通,要剪咗啲駁線圓粒再駁,個 LAN 頭又係要再駁,Check 晒啲線點知用佢部電腦測試都無連線,要打電話問人啲線點駁,睇吓有無駁錯。跟住話我個光纖盒係廳,入房條 Cat 5E 線中間應該仲有電話盒或有接駁位,要我同佢一齊幫開啲傢俬睇吓邊度有呢啲位,又用穿線喉去試條入牆膠喉去到邊,攪咗大半個鐘都搵唔到。跟住望吓個光纖盒,見到插住LAN線個位顯示駁住 1000M,即是條 Cat 5E 線無問題,先諗到可能攞錯個光纖盒,就咁無謂用咗成個鐘。成功連線後,我問佢我要駁 Router,要點設定?佢話乜都唔使攪,我話我之前用 ADSL,用 PPPOE 連線,要戶口同密碼,我問佢使唔使密碼,佢話唔知乜嘢係 PPPOE。我問佢係咪自動取得 IP 抑或要輸入指定嘅 IP,又話唔清楚,又打電話問人,跟住叫我 RESET ROUTER,等我要再設定 SSSID,其實只要係連線設定就得。

打去客戶服務問嘢,只係得電腦系統答話,撞一大輪先搵到有人答話,所以係網上有人話 HKBX 沒有地球人。

今次轉公司,覺得佢哋由 SALES、TECHNICIAN 同埋 客戶服務都比 PXXW 差,大家要轉公司真係要諗諗!

(真係乜都要係合約寫明,唔好信啲 SALES 口講嘅!)

本帖最後由 smith 於 2016-10-2 15:11 編輯

真係一分錢一分貨,宜家打佢地個hotline想問下野,要搵個人類同你對答下真係難過登天(新登記客戶就即時有)

TOP

本帖最後由 C-Leung 於 2016-10-2 20:42 編輯

真係乜都要合約寫明 <- 呢個唔係常識嚟架咩?
你話係sales暗啞底回贈就唔會寫落contract啫…

TOP

認同個technician係唔合格,因為佢唔跟指引做野。

上門安裝從來都只係由電話機房拉線到用戶屋企駁光纖盒後再用自己儀器測試上唔上到網就完成。
設定用戶私人設備或拉入牆線根本唔包括在內。

TOP

提示: 作者被禁止或刪除 內容自動屏蔽

TOP

認同個technician係唔合格,因為佢唔跟指引做野。

上門安裝從來都只係由電話機房拉線到用戶屋企駁光纖盒後 ...
沐火 發表於 2016-10-2 16:38



    夾線都不合格,更低等錯誤係攞錯個光纖盒,所以連唔到線!

TOP

sales 私回都冇寫, 大家都係靠個信字
個cfu 新入行掛
但PPPoE 都唔知就有點兒那個

TOP

我想問你簽合約的表格有沒有寫明有關SIM CARD的安排???
如果有,去OFTA投訴便可。

師父﹕要睇彩數,有些是有經驗的。

TOP

記得 早幾年 因為寬頻仔 都係無合格標準
VTC 攪過幾班 教安裝  夾線  CCTV  穿線
合格後 有公司 上門請人  
不過最後 小弟都無做過

附件: 您需要登錄才可以下載或查看附件。沒有帳號?註冊

TOP

剛由 PXXW 100M ADSL 轉 HKBX 光纖服務,係地鐵站做登記,講明送LETV、My Super TV 同埋 6 個月嘅流動通訊  ...
natnat06 發表於 2016-10-2 13:03


1) 呢個係你講嘅角度,sales 上黎講可能又另一個角度,客觀睇係 sales 同你之間嘅問題,你簽名唔睇合約怪得邊個?

2)你講得咁大段野,證明個師傅都已經盡晒力,難道你返工未做過新仔?

3)不嬲裝 bb 都唔包幫你 set router (除非係佢嘅),冇記錯甚至乎係寫左唔比你裝 router。人地都答左你乜都唔駛攪,事實你 reset router 直插係用得

4)我用緊 HKBN,一打上去實有專人接,人地有 email 講明邊個 serve 你添

對我黎講,hkbn = port 80 21 free + “fixed” ip
好過 PCCW

TOP