和記商業寬頻 上門師父同我開玩笑嗎?

昨日(16 Jan)個客話條和記商業Fixed IP寬頻上網好慢,佢個條係10Mbit ethernet直出寬頻,咁禽日(16 Jan)落call 今日(17Jan)上黎,10Mbit 寬頻師父直插notebook上ofca得3Mbit 多D,仲要係由lan ping去internet 任何一粒ip都唔俾ping,全部request timeout,包括google dns 8.8.8.8,同埋自己dns 210.0.128.250都ping 唔倒,個師父話個客呢個plan係fixed ip 係ping唔倒,屬於正常情況,我聽完眼都凸埋,咁多年黎做咁多個客都無聽過和記寬頻有咁嘅policy,同個師父拗左好耐再加上打俾個和記sales,最後先至話同工程部再跟進,最哀個客嘅地區係和黃地頭,無得揀,而家佢地D設備開始老化,又唔maintain,心諗都唔知係唔係知道internet出左問題,直情封左icmp唔俾你ping,費事俾客知道條線勁斷線唔穩定。

唔俾ping...?不如話唔俾上網啦

TOP

Fixed IP plan 唔比 ping? 呢個講法真係第一次聽。。。

TOP

聞所未聞

TOP

佢地block左ICMP ,同用fix ip無關系

via HKEPC Reader for Android

TOP

噤既維修質素真係仲衰過家用

TOP

跟進返件事先,事隔左3日,落call後第一日情況上文已交代,好啦,情況無改善,仍然係由內ping出街都係ping唔倒,都係似係封左icmp,咁緊係打31603160再落call,第二日師父(係第二位,呢次另一人)再上黎,呢次仲正,正常一般師父會話唔理會寬頻出口之後客嘅firewall, router或switch之後上網好壞情況,因可能好多外圍因素會影響寬頻嘅好壞,例如本身客嘅設備有問題,或者switch打後有電腦中毒問題會有影響,呢個我完全接受,做得IT support 所以落call之前我會寬頻(和記10Mb ethernet直出)直插入notebook睇下係咪真係寬頻有事,定係客嘅設備問題,點知黎嘅師父自己乜野都無試過,就話而家用緊嘅router唔夠"力",叫個客換個過,同師父講唔好理個router住,叫佢直吉入notebook試左個問題先啦 ,問題係ping唔倒出街同埋一多io traffic條寬頻就會request timeout,個師父竟然答個客話呢D情況佢上黎都做唔倒D乜野,之後咁就走人。如事者第三日(即今日19號),一早全公司上網斷斷續續,再落call已經話師父上左黎兩次,而家機樓engineer跟進緊嫁啦 ,耐心"再"等多一7陣等同事研究下先。無奈都極點。到今晚約19:00左右,另一部門(唔係技術支援部,負責網絡行政管理有關封icmp管理)打黎,話呢次應該真係解封左,我當時係街無電腦,就話明天先覆佢,而家試過呢次真係得左,而家剩返斷線問題,唉。。。。。

TOP

好同情你。當年2011年我用和記真系用到扯火,不過你好似仲嚴重d。????

via HKEPC Reader for Android

TOP

以前我同你嘅情況差唔多, 經過好長時間同CS 噪 (大半年), 最後一次個CS 唔小心講左話我個棟商業樓有兩部機, 我即刻要求轉, 佢話兩set 機完全一樣, 唔會有分別, 堅持下轉左就無問題了.
不過完約後都真係要轉另一間, 因為和記講明唔會upgrade 個堆 vdsl equipment ..

TOP

玩咁大?咁點同公司交代?10M 都斷斷續續,如果唔係有 fixed IP 要行 server ,不如搵 4G 頂住先,然後裝過另一條寬頻。。。

咁落去唔係辦法喎。。。

TOP

相關文章