家居電話轉回PKKW中伏

話說我唔知原來家居電話轉台要30日通知,咁PKBN張From又叫我轉台就唔好中止家居電話服務,交由新公司處理。咁我就以為家居電話可以好似手提電話No.咁自由轉台,淨係計個轉台手續期啦。

咁我過年前就開始搵公司準備轉台啦,PKKW Sales話電話要係登記後30日內安裝並且啟用,寬頻就可以60日,由於PKKW唔可以太早登記,所以過年前無落實登記,等到3月頭先落實啦。

點知前兩日收到PKBN寄信黎,話我家居電話轉台通知不足30日,所以要按比例收返我月費。我就諗,一邊要30日內安裝啟用,一邊要30日通知,時間邊可能夾到,即係無論如何都要硬食通知期月費。

為咗求證我既理解,我岩岩打1000比PKKW,為保障自己,我錄埋音,CS話帶號轉台可以有60日期限,新安裝先要30日內安裝啟動。如果唔係一開始比個Sales誤導咗家居電話要30日內安裝啟動,我晨早就落實咗安裝,加上唔知家居電話轉台要30日通知而出事。

個Sales由頭到未都無話過比我知轉台有60日時間,其實我可唔可以追究佢?

Anyway, 經一事蔡一智!

家居電話轉台係要30日前通知舊公司(一定要新公司處理,自己搞唔到的。),家居電話帶號過PKKW係有60日既安裝啟用期,大家唔好比Sales老點。

舊no. 可以係安裝日期之後先轉,佢會比個新no. 用著先直至舊no. 轉過來。
e.g. 1月1日登記 1月30日啓用,但舊no.  講明 2月3日先轉,跟著1月1日去舊公司終止服務,生效期2月3日。

個 sales 似乎無做足野。

TOP

本帖最後由 only 於 2017-3-13 22:29 編輯

我同你一樣 pkbn 家居電話,未到期
提前 30 日,通知,我照比(月費)
轉 SMC(家居電話)只係遲 3 日接通

TOP

回覆 1# HM4139
我也是同樣到要轉才知
所以我都最後也放棄咗屋企電話唔要,返正人人都有個手機號

TOP

4年前由pccw轉數碼通(家+電話)也遇到同類問題
數碼通提前一天已啟動......pccw寄賬單追數
拿賬單給數碼通門市Sales看後,由數碼通代繳

TOP

按比例收月費意思係唔係,假設25日通知要畀額外畀多5日差額月費?咁只係10鷄8鷄only,有幾伏?

via HKEPC Reader for Android

TOP

本帖最後由 HM4139 於 2017-3-15 02:09 編輯
按比例收月費意思係唔係,假設25日通知要畀額外畀多5日差額月費?咁只係10鷄8鷄only,有幾伏?

via HKEPC  ...
wct 發表於 2017-3-14 23:12


個伏係PKKW Sales無話我知轉台可以有60日安裝啟用期,佢只係話我知電話登記後要30日內安裝啟用,搞到我多於30日既時候都無落Order申請,變相係PKBN到期30日內先登記啟用,要比錢PKBN。另外,印象中亦無提醒過我電話服務都有30天通知期,即使有提醒過我要中止PKBN服務,我話搞咗,我所謂既搞咗都只會係寬頻果部份而唔包括電話果部份,因為電話果部分我根本自己搞唔到。如果明知我理解錯誤都唔提醒我,咁個Sales係咪有問題先?如果佢提醒我,或者我會用多一個月正價PKBN先轉PKKW,至少條氣順D,D錢唔係白交。

唔係幾多錢既問題,而係個Sales無講清楚,Fake咗我。

TOP

相關文章