TF10 PRO國內改模加6單元音質短評

啱啱過年前搞掂只10PRO,之前聽左CHING D意見就走去改模做10 PRO,然後自己睇過下國內較為出名就千音電聲,但好似貴左D,而且只可以加5單元,於是就問左下改過D CHING睇睇有冇好介紹,然後就有位ching話自己去過一間叫CYHIFI噶淘寶店改過,BUT就冇講音質如何,於是有人整過當然放心D啦,於是就去一搏,其實呢間野都唔算好平,而且好多問題都答得唔多清晰,都唔多願意答,經常要問幾次先答,而且好簡單,算啦,見到評論都有唔少人話OK,就做一次老鼠啦,講真淘寶買野呢次系最唔開心,因為基本上可以講系冇溝通,預覽圖啊大致系乜樣全部比唔到意見,款色選擇都好少,不過算啦,最重要音質OK就可以了,佢地自己都話著重系音色,甘冇所謂啦,於是乎等了一個漫長的製作.,重生10 PRO終於到手,因為之前加左D要求,可惜貨不對板,個面板山寨到爆,我接受唔到,客服呢次都算OK.話肯同我搞翻,於是又等左幾日,終於年前搞店,靚翻好多,但始終系換面板唔系成個做,顏色會有唔協調噶感覺,有D深淺色姐系,冇辦法啦.,我都算系一個完美主義者黎,不過呢D還可以接受,始終耳機都系音色比較重要,用純音樂試試先,一開聲.,感覺高音系好左DD,始終加左3個單元,覺得都OK,但硬系怪怪地,好轉流行歌,即刻出事,10PRO已經完全變曬,系100%,聽清唱都OK,但如果流行曲就好怪,D聲完全冇曬味道,每一首歌都好平淡,我指味道,系原來10PRO聽人聲果D感覺,完全變曬,而且好亂,D背景音樂經常蓋過人聲,但奇怪就系并不是全部歌都系甘,但呢D歌都係我以前用開10 PRO聽開,覺得全部都系好正,雖然10PRO系人聲靠后.但聽左多年都習慣了覺得OK,,但去到呢個新耳機居然變到D歌冇曬感覺,聲音分析系高左,除此之外真係不知所謂.,我自己覺得應該分音出現左問題,相信好多ching可能會問係米要煲煲.,其實我都煲左好耐啦.而且發覺煲機我自己感覺,系心理大於聽感,於是我就穩翻之前間千音問問,佢就話單元唔系多就好,而且國內能夠駕馭改模加3單元調音師傅唔多,而且其實單元再多提升幅度都唔會話好大,基本6單元就已經好極限了,再上就冇意思.,所以我覺得唔系間野唔得,系我自己挪去做左實驗,因為間野都冇人改6單元,好似得一個,所以應該系話如果改加1.2單元應該就OK,所以比個想改10 PRO加單元D CHING一個意見,10 PRO其實真係好好聲,冇必要真係唔好改,因為有機會會變到系你唔再中意噶聲音,或者最好都係去翻D大型DD店鋪去改,穩陣D,當然個人意見咋,因為我唔知道加1個或者2個噶效果如何,E加過年后都打算去再改多次,去翻果間較為出名店鋪,試多一次,唔得就冇辦法了!!因為E加耳機聲音完全接受唔到羅,完全不倫不類甘,你話佢差又唔系差,好又唔好,事關我唔系咩資深發燒友,所以唔識得用D好特別噶言語去表達.

啱啱過年前搞掂只10PRO,之前聽左CHING D意見就走去改模做10 PRO,然後自己睇過下國內較為出名就千音電聲,但 ...
dreamwater2006 發表於 2016-2-9 15:43



    記得有位老燒講﹐改模唔西聲已經謝天謝地。樓主節哀...

TOP

唔好話加單,剩係改模都已經會改聲

我都有自己買料焊,我剩係造果陣用唔同粗幼長短嘅導音管都已經可以造到聽得出分別(分頻完全相同)

改模可以造到完全冇分別嘅應該好神至係

然後加單,首先我唔會知佢拎左我對野之後會唔會換單,其次我亦唔知佢調音條友功力。我自己就見識過一個有"斷頻"呢種"毒特"調音架喇

via HKEPC Reader for Android

TOP

好在睇到c兄你出post
我本來諗住過年後就去呢間整私模
而家睇完都係放棄。好似cm 暫時都係平野無好,變番原來既聲都偷笑

TOP

tf10pro 較保險既方法係加一粒轉11pro。
不過我覺得tf10pro係好耳機,改完一輪始終還是掛住舊10仔既聲,
正如都試過把對10仔加單元改535殼,整體係改善左,但也失去本來10仔既味道,最終近排都係再次入返對10仔。

TOP

啱啱過年前搞掂只10PRO,之前聽左CHING D意見就走去改模做10 PRO,然後自己睇過下國內較為出名就千音電聲,但 ...
dreamwater2006 發表於 2016-2-9 15:43

ching, 好多謝你分享, 不過可唔可以隔下行, 睇得好辛苦~~

TOP

ching, 好多謝你分享, 不過可唔可以隔下行, 睇得好辛苦~~
nulry 發表於 2016-2-9 21:59

唔好意思啊,下次會分開寫,等我再去整完,下次分享噶時候就會啦,因為不停打不停打,都唔記得左

TOP

我見有個應該都係香港人黎, 打左好大段野, 佢又好滿意 哈哈

TOP

好在睇到c兄你出post
我本來諗住過年後就去呢間整私模
而家睇完都係放棄。好似cm 暫時都係平野無好,變番原 ...
AnsonMk 發表於 2016-2-9 18:16

甘又唔好甘灰,唔系平野冇好野,我都講左,之前幾位CHING響呢間野系做加1單元,甘應該呢間野系OK嫁.只系我貪心.,想試試改6單元.自以為越多越好,但呢間野應該出名系做加1極限2單元,正如都有CHING講做1單元系最保險,但如果你系打算保留10仔原來聲底而提高素質我勸你放棄啦,因為呢度另一位CHING都話改模已經會變聲.所以你自己去林林啦,我過年后會去再改一次,又唔見一筆慘.............如果都失敗就唔再玩啦!!

TOP

唔好話加單,剩係改模都已經會改聲

我都有自己買料焊,我剩係造果陣用唔同粗幼長短嘅導音管都已經可以造到 ...
bunch 發表於 2016-2-9 17:25

CHING厲害啊.自己搞.

TOP