無線 Mouse 問題

有隻用了兩三年的無線 Mouse(A),接收器一向長插在公司部 Notebook 的 USB Port,以往一直正常使用。

大約近兩個月開始發現無論部 Notebook 是關機後開機,或者休眠後甦醒,隻 Mouse(A) 九成係無反應。用返 Notebook 個 MousePad 去開裝置管理員睇,Mouse(A) 的接收器仍然是正常(起碼無出現交叉或者感嘆號之類的不正常提示)。試過拆 Mouse 電再裝過、換新電、按 Mouse 底的 Connect 掣,都一樣無反應。唯有拔走個接收器再插過才有機會用得到隻 Mouse(A),一旦用得到,只要無關機/休眠過,隻 Mouse(A) 用足全日都無問題。不過拔走接收器再重插未必一定得,有時要重複試幾次才回復正常,有時甚至試 N 次都不成功(輪流試齊部 Notebook 每個 USB port),要暫停再試,用返 MousePad 頂住檔(不過打字時好容易無意中揩到而走位),有時隔一兩個鐘試下再插又用得到,不過有時試到臨收工都未用得到。

問過同事,最近無人換過新的無線 Mouse/Keyboard 之類,應該不是同公司內其他同事用的無線裝置撞 Channel。亦試過帶部 Notebook 同 Mouse(A)出街用,帶返屋企用,都係有相同問題。

部 Notebook 有隻 USB Flash drive 係長插部機,但完全正常,一開機就用到。

最奇怪是跟同事交換無線 Mouse 用,我隻 Mouse(A) 用於同事的 Desktop 機或 Notebook,又或者同事的 Mouse 用於我部 Notebook,無論是關機後開機、休眠後甦醒、或者係用緊部機的時候中途插入接收器,次次都係立刻就用得到。

究竟係部 Notebook 還是我隻無線 Mouse(A) 有問題?

我估係你部機的問題可能性較高,因為我都有類似的經驗。

TOP

我估係你部機的問題可能性較高,因為我都有類似的經驗。
diy-apprentice 發表於 2015/10/24 17:07


Thanks~~~

可能係 Windows 有問題。

這兩日留意到個怪現像(可能之前都有但自己無留心),就係開機或甦醒後,試下 Left/Right click、移動隻 Mouse、轉下個轆,如果無反應,就用返以往慣常做法拔走個接收器再插過。但我發現一拔走接收器,之前做過的 Mouse 動作就立刻跟返次序一次過做出來!即係接收器同 Windows 都應該收到 Mouse 的動作,只係不知為何 Windows 無即時執行動作。

TOP

會梧會用緊win8.1?

TOP

device manager >對應嘅 human interface device 入便嘅電源管理,改吓setting,通常個receiver有幾件human interface device。

TOP

試下用USB hub接notebook駁接收器.

TOP