唉。。。砌部新機去足3個代理,都未掂。。。

本帖最後由 analog 於 2015-11-9 08:44 編輯

話說以為好好彩,可以係上一次 6700K 斷貨前買齊料,點知一上板開機,閃一閃唔識着,間唔中一次入到 BIOS,更新完個 BIOS 一樣唔得,粒 U 仲要成 58 C,即係死得。最後拎了粒 U 去聯強 check,check 到要換 U。為穩陣起見,拎塊 MB 去鋪 check,成個 windows 都裝到一的事都冇。再用個新牛開舊機一樣冇問題。即係只係死 U 啦。

等了足足兩星期,聯強先有貨換比我。好開心咁又再次上機,剩裝 CPU、散熱同 RAM。。結果。。。








結果一樣,部機閃一閃唔識着,當堂 down 晒。心諗:冇咁好彩兩粒 U 都係一手新 U 即死,九成九係其它野壞。買左的料成三個星期,問鋪頭又唔肯幫忙試,四件貨四個代理。唯有落去黃金用一舊水比人檢查。

幫忙檢查那間鋪又因為我部機係新平台,冇料幫忙一換一試下邊件有問題,最後,剩係可以換隻牛試下,居然開到機。入到 BIOS 見到粒 U 成 60 幾度,師父解釋個散熱冇黐實冇問題的,之後仲可以用 USB 手指 boot 入去 windows。一天都光晒,原來係隻牛有問題,真係估唔到,因為隻牛之前開到舊機的。於是嗱嗱林拎隻牛上日通代理換,不過,又冇貨,又要等到下星期。

回家途中愈想愈不對勁,成 60 幾度,會唔會剛換番來的新 U 又壞左?聯強肯唔肯再換?冇理由四件新野兩件都係壞咁好彩,再反思下自己裝機時係咪攪錯的咩野燒壞的件?

於是拎塊 MB 跟 U 上九龍灣代理 check 下。用佢地既牛一樣着唔到機。。。。。。之後代理用新 MB 試舊 U 唔着,借佢地粒 U 試舊 MB 一樣唔着。。。即係 MB 同 粒新 U 都壞埋。。。  好彩代理好好人,都肯換塊新 MB 比我,用新 MB 加佢地粒 U 幫我試埋我自己四條 RAM 都冇問題。

而家有新 MB,等緊新牛,RAM 冇問題,仲差粒 U。。。。。。

決定唔等代理換,剛剛係 SSP 再買了粒新 U。

諗返轉頭,究竟做錯的咩?點解會壞晒(而家諗返隻牛應該係冇壞的)?真係要諗清楚先好再裝機。

小弟而家有個想法,就係裝 heatsink 個幾粒銅柱壓壞了 MB 的走線。Asrock 呢一塊 MB預留裝銅柱的空間太少,有的線路會係銅柱下面經過,鑼絲收緊既時候,粒銅柱有機會轉磨損的走線。換 MB 前 check 過,有兩條走線確實花花地唔知有冇斷。可能粒銅柱另到 MB 短路而燒左粒 U。呢個亦解釋到火牛一閃即熄,之後仲要拔插蘇先可以再開下一次,因為觸動了電流超過負荷保護機制。

補一張大特寫 show 下條銅柱。剛剛先發現銅柱兩端原來不一樣的,其中一端有一塊好簿下既膠介子。之前可能裝了另一面而導致問題

係咪D硬件吾夾呀???

TOP

黑....

這事故說明了有錢就頭痕

TOP

我直覺得D野吾夾先會咁~電器野撞手神的

TOP

又係砌機者亂咁嚟搞到有事

TOP

隻牛壞左,電源壞係可以整成全機零件

TOP

That's y i usually pay the shop to build the pc for me。。。。

TOP

heatsink 銅柱原來要裝在電腦板面
咁我下次都用 原裝膠腳 算了

TOP

電腦太強既反效果!!!

TOP

除非隻牛short板都死命咁著機

如果唔係short野好難會燒cpu波
燒板or牛自瓜就比較常見

TOP