電腦上門維修一生一世

本帖最後由 mmdan 於 2016-1-9 00:48 編輯

上星期我公司個電腦開機冇反應一時貪快搵咗間電腦維修公司上門check機,講好話280維修如需要換零件會報價,整個過程對方相當有禮貌同誠意,個師傅上到來睇兩睇話要收番去公司check但要收咗280蚊先,咁我比咗錢佢兼收走部機,第二日有人打電來話塊底版IC死咗攪到個HD壞埋要900蚊先可以整番,咁計埋之前嗰280就1180,嗰部電腦已經7年歷史,平時只喺用來上網同download嘢,我唔會擺咁多錢落去整一部淘汰咗嘅電腦,280蚊已經喺極限,想起我家也有一部舊機但比公司嗰部高級,於是我同佢講唔整啦,將我家差不多年紀的電腦的零件全都換到公司的電腦去(貪個機箱新啲),然後買過部新嘅喺屋企用,跟住佢哋即刻話我都有組整機出售,也推薦了一部索價3800蚊嘅電腦給我,我唔喺好識電腦冧住上吓網睇吓戲最多都喺剪吓片,3仟幾應該唔會有問題啩,所以搭應咗買,到部電腦送到來而我開始用的時候問題來了!

我發覺下載速度比我部舊機還要慢,去網際網路查看只得100M,現在還有on board 100M的底板賣?我問佢又話我唔識睇,上網速度冇得check! 佢話你要睇嘅速度咪比隻睇嘅你囉,講得兩講話叫師傅裝番張Giga lan咭比我,再睇吓粒U喺i5 M430 2.27GHz,我冧呢部機唔會新過我舊嗰部好多唔可能值3800,因之前whatsapp話用i5 520 所以問佢,佢又話你點睇吖!講得兩講又話等我返工司check吓先,到第二日回覆先話可能送錯機,咁我順勢叫佢收返部機走,之後我越來越覺得唔對路,我同佢講部機我唔要啦,我比條list你同我裝啦,由於冇乜時間所以我自己上網求其搵條4000蚊嘅砌機list比佢,報個價平均貴街舖5至10%但要收裝工連送貨要550元實在有點過,因為之前比咗錢所以焗住只有照做,埋單成4仟7佰幾,之後check高登4仟就攪掂,咁就買貴咗7舊幾。
另外佢送回公司部機比我,我打開呢睇佢只喺將我家中電腦的display card插落部公司電腦部機度就送番比我,還好彩的是部電腦是用到的,其怪的是我話咗唔整又幫我整番,但又做乜幫我加張display card落去呢?於是我問佢哋我家的電腦去了那裡? 但他不是說唔喺我跟的就講個同事放咗徦總之搵唔到人。
我打電話同email加whatsapp追咗5日,最後收到個email回覆話我部舊電腦用來低消維修費850元,如想取回電腦先要我繳付欠款。最後我無辦法唯有報了消委會同報案,在報案中心警員幫我問這間電腦公司講他才搭應送回電腦給我,但我收到速遞電話說要收109元運費,呢間公司真是無賴之極。

在這期間我在網上都看到有很多受害者,以下是他們行騙手法,希望有可提醒大家。

1) 師傅上來先收了人工先即$280,然後搵個理由收走你部電回公司。

2) 之後格一兩日就會同你講你個電腦塊底板壞乜壞物個HD因為其它嘢壞整到個HD又壞埋,開個不合理個價皆你由其喺舊款機種,因為市場上冇得賣,其實部機可能只喺小問題,但如果你唔整想收覺部機你就有難道通常都喺搵唔到人,你要考慮你冇電腦用冇得check佢嘅說話是真是徦,如他們送回部機比你,可之前冇壞嘅都壞埋,也會將你好的電腦零件換走。

3) 整完一樣又壞第二樣,整整吓叫你加多啲嘢,又會話隻牛唔夠力又話啲零件老化,但小心佢賣比你啲牌子都唔喺大路嘢,例如3R Delux 火牛,我從來冇見過上網嘅資料都冇乜。

4) 相信你睇完上文都唔會幫襯佢買新機,如果唔喺就自求多福啦。

呢間公司叫 : 致X科X有限公司
網址 : 電腦一生一世

原來呪度都有師兄中伏
http://www.hkepc.com/forum/viewthread.php?tid=2083755

回覆 1# mmdan

間公司係衰格!不過師兄咁樣買嘢都幾兒戲喎!

TOP

回覆  mmdan

間公司係衰格!不過師兄咁樣買嘢都幾兒戲喎!
狂蜂一號 發表於 2016-1-8 23:58


都怪自己中咗佢哋嘅語言偽術,開頭真喺好好態度但收咗你部機同比咗錢之後就現形。

TOP

收左部電腦, 多數任人開價

TOP

提示: 作者被禁止或刪除 內容自動屏蔽

TOP

都怪自己中咗佢哋嘅語言偽術,開頭真喺好好態度但收咗你部機同比咗錢之後就現形。 ...
mmdan 發表於 2016-1-9 00:34
可以同你講,十間佔七間都係咁做,就係開刀大力细力咁解.況且整機價錢一定係5合理.等如一架萬零蚊既車,要换個波箱差不多4-5千,算係合理嗎?但車房真係要兩千幾買個劏車波箱再收你兩千人工.睇你用咩角度睇?不過呢間公司又過份咗就真,又呃又揼咁掠水.

TOP

提示: 作者被禁止或刪除 內容自動屏蔽

TOP

回覆 7# kkepc
咁就實行係局
我就係業餘整機裝機
之前同熟人整.整得多介紹變了業餘
我相信我見到都機都唔會有好多不能當場整.除非要換野手頭冇先拿走.
拿走前我會報價先.同估計整唔整得過.(因為我係業餘)
我同熟人整都唔知整幾多手尾.
講你都唔信.信譽裝機公司
將固態sata3插落2ata2搞到速度慢又有
插張差過內顯顯示卡又有
連火牛唔夠部機用又有
明係散熱得又有
ram插錯位又有
搞到我以為自已好似好勁咁.好似得我識裝機咁.

TOP

提示: 作者被禁止或刪除 內容自動屏蔽

TOP

最神奇係:火牛加機頭???等如火牛內装個神位咁?完全冇可能既事嚟?又南北槁改ic,似倒退十年前775板先有,而家全整合咗.做生意要有良心先得ga,最多咪件料買貴15%另加些少裝工好未?要實際係壞先换嘛?亂車一通!

TOP