一件底板就死的情況!

昨日終於又死左一件底板,以下係初期出現的現象一路到佢壽終正寢的過程:

1. 首先係間唔中出現藍畫面,幾個月一次,出現左之後reboot又無事,唔理咁多,繼續照用。

2. 每晚我用休眠功能關機,之後第二日直接應該從休眠中回復過來,間唔中就會回復唔到,要把休眠的檔案刪除,從新再boot機。

3. 開機按左power switch之後,間唔中部機起動唔到,風扇、燈、等長著,但就無畫面,唯有關電源再開過,通常第二次或第三次又可以正常起動了。

以上的情況通常都係得個搞字,好難搵到真正的原因,因為就算俾你換零件,換底板,換完之後正常,你都唔知係咪真係這部件損壞,定係佢正常番起動,所以我就索性唔理,繼續用到昨日真係死左為止。

昨日的情況係較特殊的,開機後畫面分別見到顯示卡,e-Sata卡的資訊,證明這兩張卡係正常的,之後畫面就話有問題,要入去BIOS或繼續,入左去BIOS之後,見到佢reset左去到最初出廠時的設定,於是我又改番合適的設定,之後叫佢save and reboot,但reboot之後,又再重復出現這個畫面,於是我又再入去改番,如是者搞左三次,最後再reboot,就連畫面都無埋,只係見到燈和風扇著,乜資訊都無再顯示了!

最後拆底板出來裸跑,都一樣係咁,證明佢終於壽終正寢,要回廠修理了。而家換了另一件底板,一切回復正常。

夠哂詳細,好在仲有保.

TOP

開埋牌子同model名啦 用左幾耐?

TOP

開埋牌子同model名啦 用左幾耐?
bihari 發表於 2016-6-2 12:06



用左年半左右啦!品牌和代理都OK的,我一向都頗滿意,所以唔會因為這些問煩而唱衰佢。AMD970晶片的板。

TOP

會唔會電源不稳定? 令到底板不正常?

TOP

當然唔會啦。

TOP

師兄都幾細心啊,咁詳細

TOP

每日都用同一部電腦,自然懂得它的脾性。

TOP

今日終於送左件壞板上山!成年無去過代理,去到漢科,一入門口,成個尊貴客戶中心變左雜架攤的陳列室,以前負責做維修登記的靚女唔見晒,改左由門口原先不食人間煙火的接待員做埋維修登記,整個過程大致上無乜分別,唯一係雜架攤的形象就比以前差左好多了....!

不過今次都算係有驚喜,以前壞左底板,通常都係第一次留低件板,然後過幾日再要上去多一次,才可以收回另一件板,今次係即場換埋,前後只係等左唔夠15分鐘,就有一次好板俾我,慳返一次來回車費和時間,抵讚!

我就一向合情合理,這件好板係全新的,定係翻修的,我就唔介意,總之係正常可以使用的我就收貨。唔會強人之所難一定要人俾件全新的。

TOP