[求教] 新手買case fan for HDD, Wing12!? A-Fan!? 鐮刀!?

各位ching 好, 小弟初次涉足散熱風扇, 希望能夠得到各位ching 嘅寶貴意見.

由於HDD都幾多隻下, 想買返把裝喺前面嘅fan, 爬過吓文見到有幾隻都幾好評價咁, 但就因個人有以下取向, 所以都出個post 問問各位ching 意見^^"

1. 想d HDD 溫度低d (我諗會襟用d^^")
(btw, d 風係要抽出定抽入好? um..即係凸定凹嗰邊對住外面呢?><")
2. 為咗d HDD 嘅健康, 價錢$200 以下都屬可接受範圍, 之不過因為夜晚會掛機, 所以都想唔好話嘈到瞓唔到@@"
(我用緊係iCute 有前面面蓋嘅機箱, 我諗如果夜晚閂咗/虛掩個蓋其實都會減咗部份聲吧, 不過係唔知會唔會好似變得同冇用fan 冇咩分別..甚至仲衰過冇用fan = =")
3. 我見好似話有d 咩"扇控面板", 又咩pvm 咁, 係要另外買嘅?
(係咪唔用就會開行全速&控制唔到個轉速咁架:o)

另外, 見側蓋同背後都有得裝fan 咁, 想請教吓點裝法好呀?

先感謝各位解答之ching

各位ching 好, 小弟初次涉足散熱風扇, 希望能夠得到各位ching 嘅寶貴意見.

由於HDD都幾多隻下, 想買返把裝 ...
lkl831 發表於 2010-1-27 02:20


Hi, lkl831

lkl831師兄好有禮貌!

1. 前置風扇除佐機箱特殊設計或調節機箱內氣壓,一般情況下為{吸入}式為主流;風扇的正面面向機箱前面板。有關風扇風向標示,可參閱zetalai或billy1312師兄最近回帖中相片。加裝風扇相對唔裝風扇對HD降溫及增加機箱內部空氣對流,風冷情況而言有良好作用。

2. 如果lkl831師兄對噪音極為敏感,可以選擇800~1200RPM左右(12cm尺寸為例)的型號;SSP及灣仔都有唔少品牌及型號可供選購。個人意見如果可接受些許噪音的話,選用1500RPM級數效果會較為明顯。iCute機箱在下未曾用過,如果面蓋閂埋會完全無入風位的話,加裝風扇有可能會徒勞無功。

3. 簡單功能的扇控面板(只能調速)有少部份中高階風扇有可能會隨扇附贈,多功能(例如可顯示局部溫度及各風扇RPM)的一定係用家另購。"PVM"唔知係lkl831師兄筆誤定係新技術,如果指PWM的話就係指一種風扇控速方式,常見於CPU散熱器風扇使用。lkl831師兄如果有時間及興趣了解,可參閱本版置頂帖中Tony版主有詳細論述。

4. 機箱風扇側板可先試下抽入鮮風(吹風面向機箱內),背板最好排出箱內熱氣(吹風面向機箱外)。

lkl831師兄如果仍有唔明,可再留言。呵呵~

TOP

回復 2# FrankChan


    會個forum , 最有禮都係FrankChan 兄你啦...
又周圍去解答人地d問題 , 吾知仲以為你係呢到d板主

樓主 , 想個箱散熱好d , 下次買箱前 , 可以去"機箱博覽" 果邊睇下 ,
果到好多ching"放毒" post d好正既箱 ,
有你所想既前置fan , 對散熱有一定幫助

TOP

回復  FrankChan


     會個forum , 最有禮都係FrankChan 兄你啦...
又周圍去解答人地d問題 , 吾 ...
po52010 發表於 2010-1-27 15:09


Hi, po52010

實不相瞞,在下係08年3,4月份先開始間唔中黎HKEPC"八卦"下電腦資訊;當時係求其用個帳戶自動登陸長期"潛水",後來Password過期...自己又唔記得佐,先再注冊佐呢個acc。舊年中被hkarmy版主(當年佢仲係副版,年初Tony版主好似有段時間唔係度;hkarmy版主解答Chipset散熱問題係非常詳細的,在下仲記得佢用ASUS P5KE-WiFi)發掘佐出黎,從此告別佐"潛水員"生涯...

由於在下性格比較"怕醜",呢度雖然未必好熱鬧,但係個人感覺好多CHing都幾Nice,所以至今幾乎足不出[散熱特區]。如果見到在下係HKEPC周圍解答問題,肯定係認錯人了。

版主o既職責係管理論壇,令版友CHing有一個良好的交流平台,個人感覺唔一定需要定時定刻係度解答問題的。否則Tony版咁專業,又係行內人,樣樣o野都等佢答,變佐"Tony一言堂"佢邊有時間拍拖哦。如果我地一般用家某D觀點出現謬誤,佢經常會出黎解答的。

長時間解答論壇通識問題,可能都會幾悶下,好似以往熱心助人的GUILDWARS及NX等師兄最近都好少出現。所以希望po52010師兄有時間的話盡量係度發揚互助精神。呵呵~

TOP

回復 4# FrankChan


    可能我見你 咁有禮 印象深了 , 所以覺得你機箱/超頻區都有去@@
我又覺得答到人係好事(如果識答既話 )
又吾會覺悶 , 反而會解到悶 , 如果自己答錯左 , 又會有ching出黎指正下
吾錯架 , 咁先學到野

TOP

回復  FrankChan


    可能我見你 咁有禮 印象深了 , 所以覺得你機箱/超頻區都有去@@
我又覺得答到人係好 ...
po52010 發表於 28-1-2010 03:00

講得好好:我都係抱住你呢個心態

TOP

講得好好:我都係抱住你呢個心態
lap2000lap 發表於 2010-1-28 14:30


吾敢吾敢...
我都比CHING你放毒....
見到你個LOGO...就諗起...
RV II
真係吾錯

TOP

十分感謝樓上ching 嘅解答, 尤其係FrankChan 師兄同po52010 師兄嘅info
不過, 小弟其實係想問吓title 嗰三隻fan 邊隻會最/較啱hdd 降溫用^^"

btw,
小弟個機箱買咗都有一段時間了, 所以可能各位ching 比較小聽過^^"

TOP

十分感謝樓上ching 嘅解答, 尤其係FrankChan 師兄同po52010 師兄嘅info
不過, 小弟其實係想問吓titl ...
lkl831 發表於 2010-1-31 11:11


你用邊隻機箱?
因為好少少嘅機箱都可以響正面抽風吹hard disk
好過直接扣風扇上hard disk
因為風扇呢d有摩打嘅野會震, 對hard disk唔多好...

title 3隻扇中wing 12個spec最好, 但一把要過百
鐮刀同a-fan都係2k rpm, 比wing 12嘈


如果唔想加風扇, 可以響hard disk面放d毫子上去, 好似work架

TOP

十分感謝樓上ching 嘅解答, 尤其係FrankChan 師兄同po52010 師兄嘅info
不過, 小弟其實係想問吓titl ...
lkl831 發表於 2010-1-31 11:11


Hi, lkl831

Wing12 - 優點: 精美耐用,靜音、9頁加小翼扇頁,性能在1500RPM級數表現上乘;可拆扇頁,軸承可任意傳統(垂直)或水平(反地心吸力)安裝;保用5年。缺點:售價屬"玩家級"。

A-Fan- 優點: 價廉,Led燈齊備,靜音、性能在1500RPM級數表現及格;保用3個月。缺點:外型傳統,與普通7頁式風扇類似。適合預算有限的用家。

CM 鐮刀-優點: 曾經被喻為"價廉物美",Led燈齊備,靜音、9頁式扇頁性能在2000RPM級數表現中上;保用1年。缺點:三者之中唯一一只屬2000RPM級數,性能與上述兩把1500RPM風扇同為全速時性能較佳,後遺症係三者之中噪音最為明顯;軸承存在漏油風險及僅支援傳統(垂直) 安裝。適合對風扇要求不高的用家。

TOP