大台停播城市論壇,黃金時段無港台時段

本帖最後由 frank817 於 2016-9-16 14:54 編輯

一早講緊港台電視有獨立頻道,又接收埋亞視模擬頻譜,就算仲用大牛龜電視只收模擬既用戶一樣睇到,港台電視節目唔應該再霸商營免費台時間,大台停播城市論壇,真係拍爛手掌。

又到一年一度對調港台節目時段,照近三十年慣例,今次應該係大台星期一至五 19:00-19:30,但今年呢個時段變左咩<女醫‧明妃傳>,加上大台又停播城市論壇,仲以為港台節目真係撤出大台,但再睇真D,原來港台時段仍然有,只係提早一小時,變左星期一至五 18:00-18:30,而以往呢個時段,係舊劇/無名大陸劇韓劇攝時間時段,即係簡單講,港台時段仍有,只係同之前18:00-18:30既攝時間劇對調時段。

雖然都係有D失望,但始終18:00-18:30係比19:00-19:30較少人睇電視,即係港台節目已徹離大台黃金時段,加上大台停播城市論壇,係咪即係話,港台節目有撤出大台趨勢?希望係就好了。

同埋VIUTV點處理港台節目,仍然未知,照牌照規定,佢最遲17年4月要播港台,但乜時段呢?照三十年慣例,係星期六19:00-20:30,星期日19:00-20:00,但而家星期一至五既時段改左,星期六日又點呢?當然繼續唔播係最好。

利申:唔係話港台電視節目唔好,只係港台電視已有獨立頻道,冇需要咁樣重覆浪費資源同剝削選擇。

其實不單是《城市論壇》,手語節目《識多一點點》由本月開始在翡翠台播放的版本由1小時減至半小時(港台電視版本仍維持55分鐘)及與另一個港台手語節目《時事摘錄》撞時間,而由於翡翠台把《開心老友記》改於星期六播放,結果星期六早上的兒童節目時段要推遲至早上10時15分才開始播放。

TOP

其實無線如果唔想黃金時段播港台
應該非黃金時間播返多少少
反正無線唔播港台都係重播

但政府鋪路免費台豁免播港台似乎所言非虛

港台有兩條頻道係大氣電波就應該預左無線會播少D

TOP

佢播咩都冇人睇

TOP

根本星期日中午,81,31同步城市論壇係好無謂,冇數碼仲慘,兩個中文台一樣

TOP

我贊成港台繼續霸佔大台黃金時間
因為大部分港台節目質素比同時段的大台節目高

TOP

6時便播放港台節目根本是陰乾,現在不少人於6時才下班,故要看只能等到8時半,另外有些地區是本身已經難以接收模擬廣播,甚至連港台電視也收不到(例如:東區醫院)。

TOP

6時便播放港台節目根本是陰乾,現在不少人於6時才下班,故要看只能等到8時半,另外有些地區是本身已經難以 ...
hkaiw 發表於 2016-9-17 02:04 PM



   請問難以接收模擬既情況,係咪「自古以來」已有?
如是,點解幾十年冇改善?
如否,係幾時開始?東區醫院收唔到港台電視,係指數碼定模擬?

TOP

請問難以接收模擬既情況,係咪「自古以來」已有?
如是,點解幾十年冇改善?
如否,係幾時開始?東區 ...
frank817 發表於 2016-9-17 15:11

1. 有些唐樓(包括我住那幢)因為附近高樓阻擋電視訊號,好像我住那幢唐樓自從2000年興建了愛東邨後模疑廣播已經無法接收,於2014年11月飛鵝山發射站的「優化計劃」後便無法接收反射波,要接收遠至金山的信號,而港台電視的 CH62 的信號亦很差。

2. 東區醫院病房已經換了 LG IDTV,而公共天線的港台電視的 CH62 的信號是零。

TOP

平心,港台之所以搞到咁,要多謝班尊貴的建制派成功阻止新大樓撥款
呢個係政府問題,商業電視台冇理由同你硬啃落去
你開得31/32/33/31A,就要相對縮短返商業電視台播放港台節目總時數而不是再加大
現在的安排已經好合理
接收方面,鬧政府啦!

TOP