以前的真空管收音機大多數冇電源牛機売可能帶電要小心處理, 維修過程最好使用隔離牛, 供電後檢查燈絲著唔著, 呢類機通常只用一支電阻將所有管的燈絲串聯取電一隻管開路會所有管既燈絲都唔著, 如果燈絲唔著可以用電壓錶度每隻管既燈絲腳位例如九腳管既四同五脚, 冇電壓是正常, 有電壓是該管開路, 所有管都冇電壓即是電阻開路, 燈絲正常後再度電源濾波電容電壓, 比電容標示電壓低 10~20% 應屬正常, 之後可將音量調至中間再用針錶電阻檔拍音量器中腳喇叭應有咯咯聲可即時分開是音頻或高頻電路問題, 度真空管屏極有高壓陰極有電壓大約幾伏咁真空管基本上正常. |