[測試] 請教二手電容測試問題,上網搜左好耐都搵唔到答案

本帖最後由 noqqkk 於 2015-5-11 03:06 編輯

唔好意思各位,上網搜左兩星期都搵唔到答案或者確實答案,求教,感激!

當然最好買全新電容,但有時D二手拆機電容又性價比高,買左番黎怕唔安全,所以想自己測試粒電容好壞先至用。

(1) 請問二手電容要唔要先充電,放電1次(請問幾多次合適)先至好上機? 如果唔做後果係點?

(2) 電容(10000uf/75v) 充電,如果有部穩壓電源0-100v/1a,電壓係咪調到電容所標示的75v定係一定要少於75v(邊個v最安全)?咁電流調幾多適合先至夠充滿粒電容(點計算?如果2200uf/40v又點計)? 充滿時間要幾耐?

(3) 如果只有部0-18v/3a的穩壓電源,可唔可以用黎充10000uf/75v的電容? 充滿時間要幾耐(係咪上面第二題的時間乖(75/18)?

(4) 穩壓電源正極接電容正極,電源負極接電容負極,咁我點知粒電容幾時充滿?

(5) 係TB見到有DC升壓板, 聲稱能5秒充滿粒4700uf/450v的電容,咁快充滿,呢D安唔安全?

(6) 如果本身粒電容係壞,如果將電容壞充電,後果會點?點樣係未充電前先確定電容好壞?

(7) 係咪uf值正常,ESR值低,就唔駛再理耐壓或漏電流幾多(因為要用專業儀器),就當粒電容唔係壞?

本帖最後由 sunnybar 於 2015-5-11 09:10 編輯

2.1μF=1/1000000F,基本所有以A計的電源都能瞬間充滿以μF計的電容
3.18v的電源不能充「滿」75v的電容,他只能充進去10000uf/18v的電
4.充完的電會等同於輸入電壓,容量則是他宣稱的容量,例如1000uf/1000v的電容拿18v充那充完便有1000uf/18v的電,拿300v充則有1000uf/300v的電,拿2000v充那就可能爆炸,前面是容量,後面是最高耐壓
5.電容儲存的能量大約等同 1/2*U*V^2   (U就是電容量,V是耐壓,動態使用中則時當時的電容電壓),那升壓板是想告訴你他的功率有多大而已
6.充一粒壞電容時最壞情況是電容變短路了,但用果用了限流電源那問題不算太大
7.話說你連電容的特點係點都唔知就拿來搞專業儀器??若果換電容,一般電容耐壓可以選用比較高的,容量有可能的話則最好選相同的,像限流像RC,都和容量參數有直接關係,不能隨意改動

TOP

樓主你似乎把電容看成充電池.
如 2 樓所說, 連哩 d 最基本的電容特性都未搞清楚, 點解去搞專業儀器?

2 樓咁講我懷疑你可能未必明, 我試下再簡單一點.
10000uf/75V 的意思係容值 10000uF, 耐壓75V
所謂耐壓, 即係最高可承受的電壓.... 亦唔係話比 75V 佢即爆, 只係 75V 以上唔包, 哩一刻唔爆, 可能用咁上下就會爆.
一般係你系統用乜野電壓去選用乜野耐壓的電容, 而唔係改電壓去就粒電容.
有所謂 rule of thumb 的大概準則: 耐壓是系統電壓的至少兩倍.
而你似乎是想做整流後的濾波, 你所在乎的不是佢幾時充滿, 而係要幾大的容值去減細輸出波紋.

不如你講清楚你想做乜, 好過咁問.

TOP

非常感謝sunnybar和IanW兄你地無私指導,我本身唔係做呢行,身邊亦無呢行業既朋友,又想試下玩但為安全起見,我會完全了解透徹先至行動。

最近愛上了自己砌功放(大陸叫功放,香港叫AMP/Amplifier),係TB有人賣整套功放散件(PCB空板加相關元件已配好),只需跟住PCB板上所標示元件容量或阻值,將已配好的相關的元件焊上PCB板上,再另外買隻牛和機箱,通電後便可。初初玩時有好多唔識,例如電容正負極或虛焊等問題,TB個賣家亦有指導有問必答,同時學到唔少相關知識。自己亦成功搞左兩部功放玩下,砌功放當興趣消磨下時間,又可係企陪下老婆同湊下個女。

砌功放當興趣玩下但絕不會用幾百元買粒電容提升音質,但有時見到有D二手濾波電容評語幾好,買左D二手濾波電容(uf和v都相同)想換左依家功放內的兩粒濾波電容。

此終係二手電容,好大機會二手電容好耐冇通過電,就算新電容防假電容,上網搜了很久有人話
(1) 使用前不用任何測試,買回來後直接焊上PCB版上
(2) 使用前要激活電容才可使用 (到依家都搞唔清咩叫激活@@)
(3) 必須在使用前測電容耐壓和容量是否如電容標示一樣,電容漏電流量會否超出正常範圍,例如10000uf的漏電流量應在500uA內
(4) 使用前測用電橋測電容容量是否正確,ESR是否低,Q值必須大過D值。TB買左部電橋300人仔粗粗地玩下唔駛太精準,如下圖,全部正常除左個ESR,網上有人講要將電容先充電和放電後再測先至準

依家想學下(3)和(4)點樣做,但又唔太知道點做,求教!!


TOP

本帖最後由 evec 於 2015-5-11 14:48 編輯

好老實講,而家所謂DIY套件除咗當模型砌之外仲可以學識幾多電子常識,
更甚九成DIY套件都真係只係所謂DIY水平 (根本整個大陸都還停留係DIY時代)
淘寶賣家更為賣野唔理客戶水平同危險情度 (當然本身的產品己唔多安全)

唔明易手電容有咪性價比,或者一粒新的電容就算係日系都唔算貴,用過的電容基本上係電子工業來講唔會再用,易手電容除咗自己機器上拆出來己知其狀態外,根本唔建議使用。


充放電幾多次同後果係要看放係邊個位,比較保險D的要用部件運作 AC 頻率
通電30分鐘以上,後果可以燒曬成家,或者任何事都無,看你用係邊個位置。

電流調幾大係要看粒電容的最高電流承受量,廠商有資料,唔係靠估,
充滿電時間看你放幾多電流比粒電容,以直流計充到電容拿最低電流的時候就係充完。

就算一粒電容能比你部所謂穩壓電源充飽,都未必功能正常。
單看ESR同容量夠唔夠無咪意思,要看成個線路用係邊個位,如果電子常識高,一部合格的三用電表己經可以大約知道粒電容有無問題,唔知電容及其線路的實際運作理論,有部三十萬的儀器都只是一堆數字。
有些位置ESR太細反而有問題,有些位置根本唔理UF幾多,但要理tan角,有些線路電容的漏電流多少少就會有問題,
專業測電容係要按實際應用做PROGRAM,模擬翻實際上機電流頻率等,才可以知道粒野用唔用得,根本最便宜最保險的方法就係用全新電容。

TOP

本帖最後由 noqqkk 於 2015-5-11 14:57 編輯

回覆 5# evec

非常感謝evec的高見,獲益良多!

你提到"如果電子常識高,一部合格的三用電表己經可以大約知道粒電容有無問題",係咪指針最後企係無限大便電容無問題,例如下面視頻

https://www.youtube.com/watch?v=fGJxYNd5H6g

TOP

呢個YOUTUBE就是講緊定性分析電容的漏電. 我早幾日係另一條THREAD講過.
http://www.hkepc.com/forum/redir ... 31&pid=33352524

回覆  evec

非常感謝evec的高見,獲益良多!

你提到"如果電子常識高,一部合格的三用電表己經可以大約知 ...
noqqkk 發表於 2015-5-11 14:51

TOP

唔好意思各位,上網搜左兩星期都搵唔到答案或者確實答案,求教,感激!

當然最好買全新電容,但有時D二手 ...
noqqkk 發表於 2015-5-11 03:03


要反璞歸真, 不要迷信
買新的

TOP

多謝各位,都係買新穩陣,唔該哂

TOP