高反差拍攝救星

消費 blog:高反差拍攝救星
2009年08月30日

小妹呢輪想買部新款數碼儍瓜機,發現部份新機勁 sell闊動態範圍( dynamic range)拍攝模式呢個新功能。小妹唔知呢個功能有乜嘢作用。咪搵咗消委會老友解釋吓。
消委會老友話,最近巿面係多咗啲設有闊動態範圍拍攝功能數碼相機,都幾好用。因為好多時拍友都遇到拍攝嘅景物反差( contrast)好高,即係明暗差別好大。例如相片嘅構圖包括光爆嘅天空,又有陰影部份,影出嚟嘅相,有部份位置曝光過度,或部份位置曝光不足,同樣令相片細節盡失。
一個模式輕鬆影靚相

老友指出,以前用傳統菲林拍攝,菲林寬容度較佳,反差稍強通常都唔成問題,但現今嘅數碼相機普遍應付唔到高反差嘅拍攝環境。有啲專業數碼相機玩家,會用唔同嘅曝光量重複拍攝,將較高同較低曝光量嘅照片,分別記錄低光位或高光位嘅細節,然後再利用電腦軟件將兩張照片合併,張相先有番晒細節。
佢話,要將兩張相併合都幾花工夫,而闊動態範圍拍攝模式,就可以輕輕鬆鬆拍到啲高反差景物嘅靚相。不過,唔同牌子嘅相機,佢哋背後技術並不相同。有啲以高速連續拍兩張唔同曝光嘅照片再自動合併,有啲將感光器上嘅像素分為兩組,以不同靈敏度同時拍攝兩幅照片再合併。作為用家又唔需要理會嘅,最緊要影到張靚相咪得囉。

的確係...
好似 sony 新果部 dslr 都有用呢個技術... (幾張合一果隻)

TOP

多重曝光...好似唔係咩新鮮特別野.......

TOP

原帖由 lisztian 於 2009-8-30 23:43 發表
多重曝光...好似唔係咩新鮮特別野.......

係機身同你merge埋

TOP

即係內置HDR??

TOP

提示: 作者被禁止或刪除 內容自動屏蔽

TOP

原帖由 siupy 於 2009-8-31 14:49 發表



應該係

用部腦合併好似好玩啲唔係難
不過機內置啱懶人用

TOP

同防震一樣, 只限影唔會郁0既野 / 身處唔郁0既平台...

TOP