新仔一問 影相基本技巧...

本帖最後由 oscar2 於 2014-9-22 11:55 編輯

本人用既係 nex-6  16f2.8加ultra wide
1.手持通常係咪都唔可以慢過 1/40 秒?
2.我本人鐘意影景,如果想盡可能"整個"畫面都清晰,咁我光圈應該收到幾細?
3.相機中有"多重對焦""中點對焦""彈性對焦",咁我影大景,有時候前方有遮擋有時候冇,咁我應該點選擇?  (多重對焦只係佢對倒邊幾點就邊幾點,好亂黎)
4.夜晚自動對焦,好難對倒.


** 先唔講構圖,我究竟應該要點樣先可以影倒一個清晰既景
**琴晚去左影相用16f2.8加ultra wide,set死f2.8,快門1000/1以上,用彈性對焦,但返到屋企用電腦睇返d相,縮細睇還可以,但一變返原有尺寸,就發覺好蒙,好似手震咁款........

以上問題答案全部都可以自已試到的... 建議睇下D影相入門書或website.

TOP

>1.手持通常係咪都唔可以慢過 1/40 秒?
16f2.8加ultra wide即係12mm, 手定既1/10s都得, 正常人1/40s應該冇問題

>2.我本人鐘意影景,如果想盡可能"整個"畫面都清晰,咁我光圈應該收到幾細?
可以先試下光圈先決(A-Mode), 光圈set f8, 仲有地方cover唔到就f11, 快門就等部機自己搞掂, ISO先set 100, 見快門太慢手震先set高d ISO

>3.相機中有"多重對焦""中點對焦""彈性對焦",咁我影大景,有時候前方有遮擋有時候冇,咁我應該點選擇?  (多重對焦只係佢對倒邊幾點就邊幾點,好亂黎)
影景可以試下"彈性對焦", 自己想對邊就對邊, 配"Single-shot AF (AF-S)", 即係單次對焦, 對完就停

TOP

以上問題答案全部都可以自已試到的... 建議睇下D影相入門書或website.

同意, 睇書再自學最好.

TOP

回覆 3# pippen_33


    thx 大家   原來要用到f8 咁細 ,  但係係相機裹邊,我覺得好似好難睇倒"遠景"對焦係唔係已經準確

TOP

回覆 1# oscar2


    1.) 傳統金科玉率係 手持拍攝  最慢快門時間=1/鏡頭焦距. 即是 50mm 鏡頭就係用 1/50快門.
          想了解更多可以於 Google 輸入 "shutter speed and focal length rule"  得到更多結果.
    2.) 你講緊的內容需要參考係鏡頭 MTF 測試報告. 一般效有良心的生產商都會提供 MTF 圖表.
          下面來自的 Photozone.de 測試 SEL16/2.8 MTF 圖表. 留意三個數字的平均數值越高 圖像的光學解釋度亦越高.
          如果按 Photozone.de 的測試 全域最佳工作點係 f/5.6-8.
           
    3.) 發明自動對焦系統唔等於個人可以唔動腦. 實際上係你控制相機來拍攝. 唔係相機控制你如何拍攝.
          尤其係超廣角鏡頭一般焦點係 1米後就已經係無限. 影風景絕大部份都距離大多都遠過1米.
          轉去手動再扭去無限就可以. 用自動對焦簡直係荒謬!
     4.) 低光照對焦慢係 contrast detect AF 系統死症. 亦係無反機的固有問題.
          所以高速對焦連拍單反系統都係用 phase+contrast detect AF系統.
附件: 您需要登錄才可以下載或查看附件。沒有帳號?註冊

TOP

手持個個人唔到,長焦會麻煩小小,不過廣角的話,1/10 或1/13都唔係問題的。<--只適用無反同RF,單反另計。

TOP

本帖最後由 oscar2 於 2014-9-22 13:25 編輯

回覆 6# 奶醬多


    學倒好多野 thx ,我返屋企再試下  ,咁其實意思係唔係姐係影景根本就唔洗對焦,仲想問咁我係點樣先可以知道我支鏡既最遠對焦距離係幾多?

TOP

回覆  奶醬多


    學倒好多野 thx ,我返屋企再試下  ,咁其實意思係唔係姐係影景根本就唔洗對焦,仲想問咁 ...
oscar2 發表於 22-9-2014 13:23


除左無限遠之外, 師兄仲想要咩答案? @@

TOP

回覆 8# oscar2

其實小弟都有16f2.8加ultra wide, 16f2.8個手動對焦環冇刻度, 擰到無限遠之後仲可以不停擰, 只可以用放大對焦點用肉眼睇

TOP

相關文章