有關安全快門

小弟係攝影新手,最近睇咗好多關於攝影入門嘅文章,對於文章上介紹嘅安全快門有啲唔明,想請各師兄/姐指教!

文章上介紹正常嘅安全快門係(1/焦距)秒,但係有部份文章就話手持拍攝最低安全快門不能少於1/50s,有部份就話不能少於1/30s,唔同作者有唔同觀點唔出奇,奇就奇在有一位作者喺唔同嘅時候對安全快門有唔同嘅建議!明白到科技會進步,數值上可能有變唔出奇,但奇怪在嗰位作者喺09年嘅文章介紹最低安全快門不能少於1/30s,但係到13/14年嘅文章介紹最低安全快門反而變成不能少於1/50s,我嘅疑問就係科技進步相對相機嘅防震技術都會進步,何解反而安全快門係快咗而唔係慢咗?

第二點想請教就係安全快門係唔係只適用於單反/無反上,Prosumer DC適唔適用呢?因為小弟部Canon G7X都可以調校快門速度!

最後一個問題就最令小弟不解,正如上面所講安全快門係(1/焦距)秒,可能因為小弟嗰部係DC嘅關係啦,除咗喺Auto mode可以喺屏幕睇到當時用緊咩焦距,其餘P/S/A/M mode都睇唔到焦距,只係睇到對焦範圍(5cm - 無限遠 ( Wide ),40cm - 無限遠 ( Tele )),咁我可以點樣由對焦範圍知道當時嘅焦距呢?兩者係數值上有咩關連呢?

回覆 1# yu138
閣下自己試左先問的態度十分好.

你可以參考下:
http://wlcreative.com/blog/%E5%AE%89%E5%85%A8%E5%BF%AB%E9%96%80/

TOP

安全快門
同姿勢 , 身體狀況 , 焦距
環境因素 , 等等都有影響 .
越睇越唔明
都系實戰把

TOP

小弟係攝影新手,最近睇咗好多關於攝影入門嘅文章,對於文章上介紹嘅安全快門有啲唔明,想請各師兄/姐指教 ...
yu138 發表於 13-2-2015 12:30


安全快門係用 "Full Frame equivalent focal length / 等效焦距" 去計

另外睇你最終所需結果 (用到幾多解像度) 安全快門會有所增減... 如果係DC仔的話, 只能靠累積經驗了吧

如果想 sharp at pixel level (聞相都見唔到手震), 基本上安全快門係唔夠的... 隨時要快幾倍, 甚至有時要用腳架先夠

TOP

Canon G7X 冇觀景器
手持即系得兩点支撐
安全快門數同有觀景器
三点支撐 , 又唔同 .

TOP

安全快門 有相機就有 上世紀影菲林冇得review 冇得衰左再來  安全快門係界限係指標不要慢過安全快門影,慢左炒左冇得賴人

技術傳承至現在
以g7x 化為 
135 格式焦距:        24 mm 至 100 mm  
影wide 1/30s 影tele 1/100s 這個快門係合理  
但 影相時有防震技術  影後有後製修復. 衰左可以影過的情況下,焗住要快門慢d咁就照影啦
 
所以,又回到要自己試為 標準答案.  

影相 相機係工具 曝光係過程 結果係相,所以樓主建議從曝光三角關係出發.

TOP

本帖最後由 harryytm 於 2015-2-13 16:05 編輯
安全快門 有相機就有 上世紀影菲林冇得review 冇得衰左再來  安全快門係界限係指標不要慢過安全快 ...
waltyuen 發表於 2015-2-13 13:32

睇下個模光換算表會容易啲明白曝光三角係咩。

TOP

harryytm兄,我唔係好睇得明你post嗰幅圖表,可唔可以加以說明!

我知打橫嗰行f係代表光圈數值,但係打直嗰行EV係咪代表曝光補償值?不過曝光補償值好似又唔可以set到咁高/咁低?中間個堆數值係快門速度,有冇算式計出嚟?我睇唔明三種數值上嘅關連!麻煩指教吓小弟!

TOP

harryytm兄,我唔係好睇得明你post嗰幅圖表,可唔可以加以說明!

我知打橫嗰行f係代表光圈數值,但係打直 ...
yu138 發表於 13-2-2015 16:18


EV係代表曝光... EV Compensation就曝光補償

呢個表睇唔明好正常 始終曝光呢個概念都好抽象...

TOP

本帖最後由 harryytm 於 2015-2-13 16:40 編輯

安全快門係幾多要睇你想保護啲咩。

想防止手震的話鏡頭/相機防手震可以幫你修正震動,但只限一定程度,例如某鏡頭話有4級防手震,原本你手持要1/60先影到唔手震的相,而家變咗可以將快門set做1/8都影到唔手震,令安全快門可以再慢啲,原本要用腳架先影到嘅情況而家手持都影到,但防手震只限於對靜止物件有效,會動的東西還是會模糊。

至於要影會移動的東西安全快門又是另一回事,要影到動作靜止的相最少要1/125-1/250,移動得快的東西例如影球賽就最少要1/500-1/1000。

我嘅疑問就係科技進步相對相機嘅防震技術都會進步,何解反而安全快門係快咗而唔係慢咗?

科技進步相對相機嘅防震技術都會進步,但同時影像感應器的像素也會進步,會因影像感應器的像點密度高咗,原本20MP的機身1/60可以影唔到唔手震,但用同樣的快門在50MP的機身影到手震,如果唔係Canon部新機5Ds唔會重新設計過個鏡箱減少震動。

TOP