攝影幾問

kimyiu1029

1. 圖中點樣可以影得個logo 同環境清晰D? 因為個Starbucks logo 影佐幾張都係爆曬光, 我唔係好識點樣可以影到個logo 同環境都同樣清楚.

2. 影呢類展品應如何影(而家反曬光)?

3.1 點樣影表演(有動感D)?
3.2 其實前面D人坐係度擋住佐鏡頭, 仲有冇影o既價值? 應如何處理人阻?

4. 呢張圖構圖點? 應唔應該放番隻熊貓係中間? 當時我影o既時候純粹覺得而家咁好睇D, 但唔知咁構圖正唔正確?

補充番小小,
1. 因為個行程安排, 所以未必可以係特定時間影個景點,
2.睇表演亦因坐位安排, 未能企起身.
3. 隻熊貓當時真係打橫卡係樹到伸脷訓覺
針對第一條問題, 我用D7100 有個AE-L 有冇幫助?　先lock暗環境再拉番logo入去?(如果AE-L 有用, 我應該用邊隻測光?
個表演係個女仔訓係度用腳轉枱玩平衡, 有郁o既野又有唔郁o既野, 應該點影? 當時台下冇光,台上有幾盞黃燈)???
P.S 我買完機就直接去佐trip , 所以D相唔係影得咁好, 當然有其它我覺得OK o既相, 但主要有以上幾個問題, 還請師兄們多多指教 XD

6seven

1. 你要"邊個"清就用"邊個"黎做測光.

2. 夜晚影, 或者用黑布, 如果唔方便,E家咁影都好有趣味性, 即係隨心去影.

3. 研究快門先決. 前面有人你可以換位置, 又可以舉機影, 但閣下又會係阻人果個.

4. 個人美感問題,沒一定標準.

raisin

回覆 1# kimyiu1029

1. 圖中點樣可以影得個logo 同環境清晰D? 因為個Starbucks logo 影佐幾張都係爆曬光, 我唔係好識點樣可以影到個logo 同環境都同樣清楚.
本身logo光過環堷好多, 你要logo暗D, 環境光D, 要用 (1) HDR 或 (2) 影暗少少, 後製拉高Dshadow

2. 影呢類展品應如何影(而家反曬光)?
要唔反光, 咪搵個無反光既角度 (左, 右, 上...) 或者貼住個櫃影

3.1 點樣影表演(有動感D)?
快門慢, 表演者變成一pat野, 算唔算有動感? 又或者用快D既快門, 靠你捕捉表演者最有動感既一刻

3.2 其實前面D人坐係度擋住佐鏡頭, 仲有冇影o既價值? 應如何處理人阻?
張相有無價值睇你自己點睇... 將阻住你既人變成構圖既一部份, 又係一種影法 (我吹水而已, 無圖可貼)

4. 呢張圖構圖點? 應唔應該放番隻熊貓係中間? 當時我影o既時候純粹覺得而家咁好睇D, 但唔知咁構圖正唔正確?
唔一定放正中 (點解要放正中?), 你覺得放邊個位最好睇咪放邊度囉, 只有靚/靚D/無咁靚的構圖, 無正確或唔正確的構圖...

** 以上好明顯只係吹水, 唔係大師級/正確既答案, 睇完請自行斟酌

calvin83

回覆 3# raisin
補充:
2. 如果係玻璃反光, 可以就角度外再加CPL 影.

4. 我很同意, 自己喜歡就得.

harryytm

1. 盡量用低ISO為求用盡部機既動態範圍，影的時候用RAW，如果用Lightroom後製可以在logo部份加減光filter。
2. 去除玻璃反光應該用環形偏光濾鏡
3. 情況許可的話往應該行前啲用廣角影，如果唔得就有幾近zoom幾近，有時有觀眾入鏡都無所謂，可以加強個現場感。
4. Zoom得太近變咗將主體從背景分隔咗出來，如果Wide少少影到多啲背景，成個畫面在故事表達上會比較合理啲。

raisin

2. 夜晚影, 或者用黑布, 如果唔方便,E家咁影都好有趣味性, 即係隨心去影.
6seven 發表於 30-6-2015 11:59

我都覺得個反光幾有趣

eriklai

以下個人意見...
1)同 2)... 如果拍攝時間係兩者調轉就會好 D...
1) 果個你想要o既同個大環境個光度差太多, 你
要你個 "目標" 唔爆就會令個大環境黑晒, 反之亦然,
要兩者都o岩o岩好就要睇拍攝個時間... 即係個天都
未黑晒時而燈又著果陣時... 問題係... 去旅行影相會
唔會咁執著呢個去影到最好先係問題, 去玩o早唔係
做 Job, 盡力而為就係, 又或者影時用 HDR 或者有更
大後製空間的 RAW 去後制都可以! 而 2)個問題係反
光, 要減少反光有好多方式, PL 係一個方案, 落黑布就
唔係個個情況下都可以用, 反過來睇你係環境光比較
暗時去影可能會好少少, 所以就同 1)個情況係相反矣!

3)... 動感多數以較慢快門去表達, 但係太慢就成個主體
朦晒, 點樣取捨要睇表演者個動作有幾大同拍攝時個取
向係點... 如果係多人表演而有動有靜果下會比較易搞就
係; 而前排人頭個問題... 如果可以就反過來企後 D (唔係坐)
再由高向低位影會比較好少少... 咁樣 D 人頭就會因為角度
關係變成前者而且無咁礙眼就係了!

而 4)... 當佢係直度打直佢可能會順眼 D... 以前做果行時有
個客就係鍾意咁樣影... 次次有乜靚景時佢就打斜塞個頭入
鏡去影... 跟手o黎攞相時就嘈話做乜佢自己個頭會咁樣係
張相度咁肉酸, 要我o地幫佢搞番好佢... 呢個擺明強人所難
o既問題自然唔會理佢就係... 點解? 佢幫其他人影時就無呢
個問題, 佢叫人幫佢影時就張張都係咁, 即係佢o既問題就關
我o地咩事就係了! 而呢 D 情況下, 將成個影像個注意力集中
係主體再多 D 會更好, 即係... 打直影...

最後... 記得一樣o野.. 數碼相機係你俾晒錢去買來影相o既工
具, 影相時唔使太就住, 有唔對路就影多十張八張去做 Back-up
或試效果後再揀相用係件好自然o既事就係了!

多多得罪!!

kimyiu1029

回覆 2# 6seven
回覆 3# raisin
回覆 4# calvin83
回覆 5# harryytm
回覆 6# raisin
回覆 7# eriklai
感謝以上咁多位師兄教路, 補充番小小,
1. 因為個行程安排, 所以未必可以係特定時間影個景點,
2.睇表演亦因坐位安排, 未能企起身.
3. 隻熊貓當時真係打橫卡係樹到伸脷訓覺
針對第一條問題, 我用D7100 有個AE-L 有冇幫助?　先lock暗環境再拉番logo入去?(如果AE-L 有用, 我應該用邊隻測光?
個表演係個女仔訓係度用腳轉枱玩平衡, 有郁o既野又有唔郁o既野, 應該點影? 當時台下冇光,台上有幾盞黃燈)???

micros

1)
AE-LOCK 無幫助。
AE-LOCK 只可以方便你決定用邊個位做測光o既參考位置﹐改變唔到光差。
lock 暗位﹐光位只會更光﹐lock 光位﹐logo 係ok 但暗位會更黑。
你可以調低機器o既對比﹐但幫助有限﹐#3 提到o既hdr 同後製效果會明顯o的。

2)
咁大範圍反光﹐好難避。
吸實玻璃係好方法﹐但呢個情況﹐玻璃太近展品﹐吸埋去都要好wide 先影到。
cpl 可以一試﹐但未必可以完全解決問題﹐特別係反光o黎自一個以上o既光源時﹐往往只可以隔去其一﹐而且未必係100% 隔得走。
有o的o野﹐可能只適合用眼睇。
如果要認真影﹐係會好煩﹐比如係拉黑布擋晒所有反光﹐到此一遊唔似花時間得起時間同心機咁做。

3)
情況同2) 一樣。
認真影﹐先就係要搵個好位置。
位置唔好﹐可如考慮 enjoy the show 。
影亦唔係問題﹐但你會預期出o黎會有一定缺憾。

4)
無所謂正唔正確。
你當時有一種感覺﹐影出o黎都係o個個感覺﹐咁應該可以叫成功。
如果唔係﹐你就可以試下crop 相﹐睇下唔同擺位會有咩分別。
當然﹐呢個係拍攝時已經考慮係更好。

kimyiu1029

1)
AE-LOCK 無幫助。
AE-LOCK 只可以方便你決定用邊個位做測光o既參考位置﹐改變唔到光差。
lock 暗位﹐光 ...
micros 發表於 2015-6-30 15:03

但點解有時會話"個主體唔突出"?