[買相機] 唔會再去凶宅買相機, in fact 唔會再去凶宅買任何野

由於係第二個谷咁岩有人講開旅行用咩相機, 諗起我d 傷心史, 想係度問下大大們意見,

話說上年去希臘旅行, 帶左我部一年零兩個月既貨仔O記EM10第一代, 點知去到第四日, 部機突然個快門SHORT左, 一開機就"噠噠噠"咁快門好似卡住咁連嶄三下, 然後就會HANG機(利申一路都係唔影既時候將攝影器材放係CRUMPLER相機袋裡面而唔係掛住部機係頸, 做足保護無撞無跌), 試左一晚都唔得, 激到我彈起, 之後唯有全程用手機, 我部SONY Z1 粒電又打打地柴, 結果去到希臘小島影白屋仔影到中途無電...

最嬲係返到香港拎去整, 初初諗住我部Olympus 買左凶宅個加長保養(好似加長兩年), 有得claim, 點知O記check 完機話唔知係快門彈弓鬆脫, 定係控制快門條電線鬆脫後, 凶宅話因為只係機件鬆脫, 唔屬於壞零件或壞機, 無得賠, 係電話理論左成個鐘, 又拎張合約出黎講, 結論都堅持話鬆零件即係唔係壞機, 要換零件先可以claim (O記師傅話唔洗換零件, 駁返就可以, 如果要換快門, 佢會寫明係客堅持要換零件, 咁既話保險會唔保...), 最後我唯有有得佢, 無CLAIM 到

雖然只係$250 維修費, 但凶宅咁樣玩捉字虱真係令到我好嬲, 我真金白銀買個保險EXTENSION, 結果竟然得個吉, 再問返OLYMPUS, 原來佢地都有原廠既保養extension, 如果用佢地自家個PLAN 咁壞法係可以免費修理!

有無師兄有類似既經驗?

不過今次教訓話俾我知, 下次去旅行一定要帶部後備相機 (呢部olympus 係小弟第一部亦係唯一一部無反, 所以其實當時我係無後備機的), 話晒旅行呢d野, 可能一世都唔會再去, 再去都唔會係一年半載內既事... 真係好可惜

由於係第二個谷咁岩有人講開旅行用咩相機, 諗起我d 傷心史, 想係度問下大大們意見,

話說上年去希臘旅行,  ...
Alwin100 發表於 2016-7-5 11:03


當買個教訓, 下次去旅行記得帶2部相機............

TOP

帶2部相機剩係方便唔駛換鏡已經值得

TOP

帶2部相機剩係方便唔駛換鏡已經值得
必思 發表於 2016-7-5 11:50


我就是咁做了

TOP

樓上幾位應該係勸敗星人

下次去旅行係咪應該買多部機去旅行呢...........

TOP

樓上幾位應該係勸敗星人

下次去旅行係咪應該買多部機去旅行呢...........
京 發表於 2016-7-5 12:10



好處已經講咗,所以小弟有多部機身

TOP

唔好信om,佢extension個保養,要買咗先作實,因為我上幾個月試過上去買時,佢話個model 已經過咗時(我部係EM1),我問佢而家有邊個model可買,佢話得EM5ii,咗即係唔係佢地講果樣嘢,分分鐘買部新機即時上去都無得extension保養

TOP

唔好信om,佢extension個保養,要買咗先作實,因為我上幾個月試過上去買時,佢話個model 已經過咗時(我部係 ...
billy0301 發表於 2016-7-5 12:17



    EM1佢網頁都仲有都叫過時

TOP

EM1佢網頁都仲有都叫過時
必思 發表於 2016-7-5 12:19

就出新機.

TOP

原來甘衰架?!
我有好多風閘延長保喎
唯有寄望D野米壞啦

TOP