買出寨機一定要小心核對保用証及維修經驗

朋友買左山寨機, 5吋MON, A9220.
個多月就自動爆MON, 仍有畫面, 係最上面的膠片/玻璃片裂開, 呢樣野當他自己不小心/不好彩, 但維修就有奇遇
依保用証所說, 去到, 長沙灣政府合署對面的維修商, 職員一看, 就說, 部機唔係佢地的, 我看看, 機內維修貼紙, 係另一間公司的名字. 職員說, 我同你整無所謂, 二天有得取, 你都拿去原來代理整都要付錢, 大家都知爆MON不在保用之內, 但你要考慮我撕毀了你原來代理的保用貼紙, 第時你壞機, 拿去原來代理, 原來代理就會說你部機保用貼紙無左, 無得保用了.

咁我就返去賣機的店, 取回保正確用証,
去到代理,

代理說要一至二星期, 因為寄返大陸整, 又要付一百元先, [總數350]
點解要收訂金, 你驚我不取回手機嗎? 修理費始絡要比, 但你要收訂先, 表示你公司對自己產品無信心, 驚客人諗諗下唔來取機. 仲要1至2星期才有, 真不合理

買山寨機一定要對保用貼紙同保用証是否同一間公司, 我朋友是在始創中心, 奧字頭店舖買的.

而維修期太長又不設師傅在現場維修的代理叫百達 P_PLUS

回復 1# dulik


    有得整都好過要自己攞番大陸整

TOP

分別在於一間代理在香港有師傅整, 另一間沒有師傅, 祗是一間貿易公司. 要人等1至2星期.

TOP

仲要收訂添, 顧客唔想整就唔會放低部機, 通常, 訂做西裝先要比訂, 因為人客祗係入去度身, 店舖就要付出成本去生產. 但而家係顧客先放低一件千幾元的貨品比你整, 都未驚你執笠, 你就驚顧客唔取機而要先收訂, 而且貨品仲係你公司代理的,咁係咪令人唔係幾順氣?

TOP

這些機基本上係唔會有師父響度修理的,所謂代理,根本只係負責同你收集,然後一大批擲番大陸整。嚴格上嚟講,係大陸保養,香港只負責收集。
SSP好多電腦商場代理既嘢包括電話、MP3機同PMP機,都係呢兩三間嘢代理的,最頂癮一間響深x都出面既長沙灣道一間住宅二樓,他們又多,屋又細,仲要整親都整三個星期,整完仲要唔得。
買山寨嘢,預咗冇保。

TOP

這些機基本上係唔會有師父響度修理的,所謂代理,根本只係負責同你收集,然後一大批擲番大陸整。嚴格上嚟講 ...
momo4321 發表於 2012-5-28 22:39


呢間代理, 我已blacklist左

TOP

係咪 peng XX, 之前買過部艾諾 v6000 MP4. 待機一晩冇晒啲電。上網 check 過,原來成批機都有此漏電災情。佢居然要收費換電,話係電池老化喎。
XXXX
所以依家部極光都係上華強買,又平招呼又好。

TOP

呢間代理, 我已blacklist左
peterbear 發表於 2012-5-28 23:34



我上次部pmp機買番嚟唔夠一個月就瓜,攞去整,佢話要三個星期,點知整完番嚟一樣開唔到機,佢話又要拎上去整過,一係咁,俾住第二部你先,當時我自己衰,貪快,又唔想再等,因為去每一次都要等好耐,人又多,環境又差,又焗,又等三個星期,咪整多過用?答應咗佢。

點知番去用時,個電池都用唔到十分鐘,充完電聽兩三首歌就冇電,大佬,部機用嚟拖hard disk入片睇戲既喎,聽歌聽兩三首?衰過mp3?結果自行將佢送入堆填區。以後都唔買呢啲所謂山寨行貨了。

TOP

回復 1# dulik
師兄,有讚有彈!第二日取機係邊間代理?

TOP

朋友買左山寨機, 5吋MON, A9220.
個多月就自動爆MON, 仍有畫面, 係最上面的膠片/玻璃片裂開, 呢樣野當他自 ...
dulik 發表於 2012-5-28 20:29



    thx ching 報料,
不過你個fd 應該問下第一間鋪要整幾多錢,又ok wor ,長駐cf,係邊間?

TOP