據講世界最薄o既OPPO Finder入手,已加相

本帖最後由 hkwtongme 於 2012-7-24 12:33 編輯

據講世界最薄o既OPPO Finder入手

趁呢兩日唔駛出差住,又身痕走左去華強打算搵部6577機玩下,但睇極都唔啱,所以無聊之下走去睇廠機,ZPPO同THL重係最盡只有6575,有間野間舖就超大,廠名同牌子未聽過,手工同樣亦唔係好,但竟然重敢賣6573過1400(我好似見唔到6575,最勁就已經係6573,亦有可能我睇唔到),大家上去買機真係要小心。
走左去魅X睇四核,發現佢地樣樣都好,但係介面優化唔係太好,完全感覺唔到四核的實力,其他好多乜叉TCL S9XX之類,以價論spec同表現都OK,但做工真係唔係咁得,華為部號稱世界最快o既四核又未見,連曾經號稱世界最薄o既Ascend P1s都唔見,得佢個大佬P1,手工同樣以至使用體驗的確比其他國產機好,算有心,但做工同模具都重係爭減DD,個價又唔算平所以都係買唔落手。
最後見到OPPO剛剛開左專門店,o係華強北正式插旗,即管入去睇睇,講真,一入去見到D機真係失望,老套到極,樣真係唔掂,重要賣到成2500,又見唔到部finder擺係度,以為佢未出,正想走頭,佢個sales就係褲袋攞部野出黎,叫我試試,頂佢丫,個感覺好似廟街賣老翻勞力士咁,駛唔駛咁呀?不過有機試又梗係好啦。
一入手,咦,掂喎,完全無強國機o既感覺,手工係強國機中可能真係無敵,介面好順,反應好好,無乜多餘野裝左,真係幾有heart,雖然唔完美,重有好多不足,但敢出部咁樣o既機,而且個價都係2500,比P1重平,好,試試通話質素,如果OK就一於支持下國貨,但間野竟然無micro sim卡,無得試,重話不如攞第個model試通話質素,話佢地D高端機通話質素冠絕同行,部部都咁好,真係up得就up,睇黎OPPO管理層如果對自己D機夠自信,好應該擺部係度比人試試。
我亦無時間同個sales 一齊傻,所以攞左自己部機張micro sim出黎試,一試之下竟然有驚喜,真係好得下,華強路邊舖有幾嘈大家都知,但我接電話個friend話完全聽唔到有背景雜音,聲音非常清晰;於是就費事再試,磅水走人搵friend食飯,跟機得一個充電器,一條USB線,一個3.5耳機轉換頭(無錯,因為佢係無3.5頭),送張貼同一個據講2600o既尿袋充電器(無錯,佢係換唔到電o既),其他就乜都無,呢兩日得閒D再出開箱同使用後感覺。
到目前為止,感覺部機並不完美,但係真係好有心,有D地方做得好好,所有條件平衡後,我覺得係值得買,亦用得好開心,攞出黎亦都好有虛榮感,因為好多人都會話咁薄o既,好型呀,連我個港女女友都話好似幾好喎,完全唔知係大陸機,重叫借俾佢玩幾日,我話得,將你借俾我玩幾日交換囉。
開箱同報告過幾日出。

琴日打風,上唔到廣州,橫風橫雨,係豐X避雨,撩個靚女sales傾左幾句,一個唔小心俾個靚女sales氹左買部***SIII,趁打風,影左幾張相。
點解D格式亂哂?打D字又唔見左?乜hkepc個論壇有bug㗎咩?
無計係呢度打翻。
頭兩張係開機同解鎖後畫面對比,自動光度下畫面差唔多光,如果用中間光度就OPPO稍光,最光就差唔多或者OPPO光DD,最後個張係同THL V9,都係4.3",但THL係IPS屏。
其他係厚度對比,THL V9比OPPO幾乎厚成倍就費事比了。
外放音響就OPPO好過***好多,不單大聲D,而且高低音平衡同扎實好多,接耳機都係OPPO好好多,***D聲真係唔得。
同THL比外放就半斤八兩,但唔夠THL大聲,強國機不嬲都夠大聲,呢部已經唔算勁,但仍然比***大好多好多,同OPPO比都有可能大DD,但未拆聲計都重係OPPO大D,而且低音明顯勁好多,我知手機低音好極有限,但因為已經有限,所以更加重要,OPPO真係幾掂下,係呢方面。
但如果影相就***好過OPPO好多,雖然都係800萬背照,但真係差得幾明顯下,據講話OPPO影相部分重未搞好,但優化完都唔見得會好幾多,因為個底差,而且我已經用左據講係優化左o既7月20號版本固件,真係唔知以前差成點。
附件: 您需要登錄才可以下載或查看附件。沒有帳號?註冊

相都冇張

TOP

相都冇張
kong1234 發表於 2012-7-21 16:21



    大佬,未得閒影呀,將就吓啦,我都link左張圖啦,睇住先啦。

TOP

張圖好似死佐

TOP

叉燒包~~~

TOP

冇圖冇真相~~

TOP

的確好靚, 但貴左點

TOP

TOP

系唔系無3.5mm插頭?有沒轉接線送?定系一定要用原裝線?

TOP

冇圖 ... 很廣告 ...

TOP