[操作疑難] 台水LG G3,簡單問題

我想買台水G3 ,但唔知去邊到買好.
本人唔係好敢去先達,因為係水貨.
行貨就話 佢比部機你玩唔夠兩個星期就壞   都仲有保養,

另外,買台水S3 有咩要注意既地方.?

要點樣Check機?


最後,請問大補 / 鴨記 收唔收台水機?
韓水就好似話唔收. (可能因為多左條天線)
但台水 基本同港行無分別.

回覆 1# edisonchau

敢問樓主一句, 台水同水貨分別喺邊呢??

TOP

本帖最後由 edisonchau 於 2014-7-8 18:16 編輯

回覆 2# 458Italia


    大擔請問,
G3 ,唔係有分 韓水同台水 ?
韓水 多左條天線,台水同港行基本無分別 ( 除價錢同保養之外 )
有D店都有標明 韓水定台水.

回覆返你既問題啦.
台水 都係水貨.
( 但我既問題係 師兄推薦係邊到買水貨機? 有咩注意 ? 要點Check ? 大補/鴨記 收唔收台水機 ( 已知韓水唔一定會收 )?  以上才是我問題 )

我唔係問 台水同水貨有咩分別 . 定還是 係我誤會左你條問題既意思?


請指教.

TOP

好似未有台水..台灣  G3 個價好似仲貴過港行..仲只得 16G 32G要上某個台先出到.

TOP

我都講小小,其實買水貨唔好太介意係邊個地方eg台灣,星加波,歐洲(後行,韓國同日本除外)

以小弟認識嘅水貨代理,佢地出貨比鋪都好小會噤分,所以你地去到鋪買基本上鋪頭都唔知啲貨係邊度嚟……除非間鋪唔經水貨代理入貨(即係我上面講韓國同日本)

另外水貨基本上唔存在未開封,因為水貨代理嗰邊會有技術員試機同刷機。如果真係介意開封呢個問題就唔好玩水貨機。

玩水貨都係要性價比,唔好太介意細節,只要部機無花無壞無光點死點,正常操作已經收貨。

via HKEPC Reader for Android

TOP

回覆 5# TWCACM


    但係我係網上面又聽到有個d 鬼機.
又話先達 / 深之都 買水機.一出早口就 88.
所以我看會擔心買到鬼機.又或者 買左好快壞.
所以我先上黎問下師兄意見

睇下有邊到買水機可信

TOP

回覆 5# TWCACM


另外,請問師兄 有無咩地方買水機 推介 ?
同埋 請問應該點樣Check 個部係咪鬼機 / 黃點 / 光點 ?

TOP

回復 7 #edisonchau

如果師兄從來未買過水貨電話,小弟唔建議你買。不過如果你真係想試,可找多個朋友一齊去買,買前記得幾個要點。人多時買係最好,因為有乜事鋪頭都要顧住其它客,變相你要求啲乜都易啲。

另外當sales開盒時,先留意下啲配件包裝有無開過封,另外就係部機,記得check左外觀有無花,爛。外觀無問題先叫sales開機試。

開左機唔好做任何設定,先試下個Mon有無光點,死點,有無觸控不良,跟住試打出打入正唔正常(記得試埋speaker 得唔得),前後鏡頭,3G4G上網。另部機有乜特別功能都一次過試埋。當試過全部功能正常就check IMEI,先噤*#06#對盒上條碼,跟住熄機拆電,再對機身上號碼係唔係同盒上一樣,如果以上全部都pass基本上已經無太大問題。最後記得問埋sales如果反到屋企有問題有無得換,通常佢都會話幾多日內可換,呢樣記得叫sales mark落張單度。

最緊要一樣嘢試完部機無問題先好比錢,另外試完機,部機點都要係自已隻手揸住,唔好比sales話幫你包反入盒攞走部機,因我自已試過呢一剎間比人換左部機

如果試機途中部機有乜問題,唔好怕,叫sales換過部比你,佢唔肯換就閃。反正你未比錢,無損失。

另外試機嗰啲code我唔太記得,你自已睇下其它post有講過。

via HKEPC Reader for Android

TOP

回覆 8# TWCACM


    十分感謝師兄一悉心機打呢篇野.
小弟認真獲益良多.

TOP

回覆 8# TWCACM

小弟也感謝師兄的買水機心得,對於未買過水機的人來說,非常有幫助,給您無限個 Like,

TOP