大家去鴨寮街小心"潮流數碼" 呢間野 掛羊頭賣狗肉

我老豆番到屋企我睇先知原來系一部假既機!!

事發系佢公司門口就推緊呢隻紅米Note(自稱行貨)賣$1180咁我老豆就入去試機啦,試機其間就比一個肥仔(佢話自己系經理)話有部仲勁過紅米Note只要加多300蚊就可以換部大Mon d 性能比紅米Note勁d既機(不明品牌既手機),我老豆果陣都話唔需要,但之後肥仔又叫我老豆買部(紅米Note增強版) 果陣時佢話只要$1480就可以買到,因為我有同我老豆講過話紅米Note有分慢同快既版本 所以我老豆以為勁d果隻差唔多價錢就買左,事後我老豆番到屋企我睇佢部機,上小米官網查呢部機原來唔系小米產品 結果我同我老豆番去理論,肥仔竟然話呢部系叫做(米米Note) 仲話系我老豆自己話要加呢部機,明明系佢推佢買果部機,之後我報左警 警察黎到先換過一部紅米note比我試機我再上網查機身號碼 發覺都唔系行貨,是大陸華強北貨仲要入面有幾張影過既相 但佢寫明呢部系行貨,所以我到最後要求退錢我Po出泥希望買小米產品小心d 唔好去d咁樣既地方買 最好上網查左先買部機,同埋買機唔好去深水步"""""潮流數碼""""" 唔好中伏

老人家買機,真係好容易比人騙.

TOP

如不是 在大鋪 買机,最好 做吓功課 或 與認知的親友 一同去買!
後知後觉,冇谓 又冇着數!

TOP

買行貨點會去鴨寮街

TOP

提示: 作者被禁止或刪除 內容自動屏蔽

TOP

唉 老人家都咁比人呃 總之你地幫老人家買野就最好 一定中伏

TOP

買行貨點會去鴨寮街
littlestar0101 發表於 2015-1-12 15:49


公平 D 講句,睇下去邊間舖幫襯同埋買乜野品牌囉。我就試過去鴨記買華為手機,後來部機有問題要拎去維修中心整,職員都話係行貨,亦都跟番買機日期提供 12 個月保養。

TOP

提示: 作者被禁止或刪除 內容自動屏蔽

TOP

提示: 作者被禁止或刪除 內容自動屏蔽

TOP

孝子唔幫老豆上網買?
官網正價任買... 仲送埋上門.

TOP