酷派大神F2全網通使用感受

酷派大神F2全網通使用感受,不喜勿插,謝謝。

真心一部手機899人仔,2gb ram,16gb  rom, 八核 s615,個mon最衰得720p,電池真心冇上上網D人講咁差,用一日返工到放工返屋企充電一次就夠用一日, 一開始抱住後備機心態買,而家部820mini us仲變左後備機,真係估唔到。部機影相真心一般,不過899人仔真心合格。官網有雙4G rom更新,rom有更新真心唔錯。細佬用中移動,4G上網部大神真心接收唔錯,長期有收爆格。電池方面,冇酷派論壇師兄講話唔耐用問題,返工到放工一日叉一次已足夠用一日,建議到手咩都唔好搞更新左先。通話質素聲音清楚,之前用820mini us有時仲會收得唔好,人地會聽唔到。720P mon都合格,不過部機個自動調整量度真心不行,開左仲衰過冇開,開左會超暗個mon,唔知係rom bug定感應器差,部機通病,一定要手動亮度set。打機一D都唔會卡,2gb ram係好D。裝app方面有樣嘢幾人性化,可以安裝app時,問埋你裝唔裝去micro sd咭,幾方便,唔洗事後搬。部機只要每個星期四準時酷派天貓官網買,899人仔價一定買到,仲要全身未拆封,安全過幫其他賣家買,每次都賣一萬台,準時開淘寶app一定買到,又唔洗俾差價同其他賣家買。天貓官網店買記住要二十分鐘內付款,唔係會取消你張單,我都俾間嘢取消過用,開工唔得閒付款,諗住食飯俾,之後下次醒左。部機個重量真心同玩具冇分別,真係估唔到,有機師兄係手一定會認同,部機輕過820mini e8同小米3。部機長期有1.2gb ram可用。最重要就係大家最關心的谷歌服務,部機係設定,輔助功能到直接下載落嚟裝就得,3分鐘裝好,仲要免root直接裝。第二樣大家最關心的系統語言,一開始我都以為冇繁中,得簡體,上網睇mobxxe 01話冇繁中,點知裝好曬d app後,手痕按入去語言一睇,竟然有繁中,真係從心裏笑出來。第三樣智能控制,雙click著mon幾方便,同e8一樣。

總結:一部手機全網通,行4G,賣咁既價錢合格有突,絕對適合中港兩地走師兄。

開箱圖就唔整了,直接google search開箱文就會搵到。thanks.

TOP

有全高清版架.......

TOP

本帖最後由 vcyu2010 於 2015-2-1 23:40 編輯

大神F2全網通評測,轉自ZOL
bbs.zol.com.cn/quanzi/d14_2152.html

TOP

C兄你係邊到買?我係官網買語言都係無繁中架

TOP

呢部F2全網通最衰就係閹割咗FDD-LTE 2600MHz,可以開返嘅話,899人仔呢個價確實抵玩。

TOP

回覆 1# vcyu2010
部機係咪原裝有繁體?

TOP

本帖最後由 vcyu2010 於 2015-2-2 00:05 編輯
C兄你係邊到買?我係官網買語言都係無繁中架
chinamobile88 發表於 2015-2-1 23:58


Tmall官網,你又係F2全網通?有冇更新個系統?

TOP

回覆  vcyu2010
部機係咪原裝有繁體?
dcc2000 發表於 2015-2-2 00:04


係,咩都冇搞

TOP

係,咩都冇搞
vcyu2010 發表於 2015-2-2 00:06

Thanks !

咁部機有冇駝螺儀,指南針,OTG,WLAN Display ?

TOP