買大送細就好多人都知, 買細送大你又試過未?!

http://www.eprice.com.hk/mobile/talk/5264/202912/1/
是咁的,今日香港電腦商會就係嚟緊嘅香港電腦節 2015 搞左個記者會,基本上呢類記者會都係悶到訓得著的,不過今年就唔同啦!因為參展商之一 Letv 非常進取,推出左「買手機送電視」優惠!「買大送細」就聽得多,「買細送大」就真係少見了,一齊來睇睇點樣搶啦!icon

買細送大!電腦節買 Letv 手機送電視,入來話你知點樣搶

首日限定!搶 Letv 手機送電視優惠 5 點你要知!
今次 Letv 係記者會上公佈左的資料其實唔算好多,但就夠晒驚喜了。「買 Letv 手機送電視」呢個限量優惠話明係數量有限,第一個重點當然就係要知數量啦!根據 Letv 所講,今次數量相當有限,只係 100 個名額,所以真係要搶的!

第二,既然只係限量 100 名,可以點樣搶呢?呢樣就真係要留意啦!雖然係記者會上 Letv 就話係透過 Letv 商城登記付款,但版主就問過詳情,如果大家要搶的話係要到電腦節現場的!因為要在 Letv 攤位到用官方的設施登記再付款。

另外,如果想搶的朋友真係要電腦節第 1 日(即係 21 號)盡早到場了!因為除左到場登記領取「買手機送電視」優惠係按先到先得呢個方式的,早到自然有著數!

此外,講到「買手機送電視」,但到底到時會係賣邊部手機呢?就係 Letv 5.5 吋 Full HD 配 MTK Helio X10 八核心處理器以及 3GB RAM 的 Le1 啦!之前都有傳 Le 1 會係電腦節期間登場,不過大家可能都估唔到係用呢種方式吧。

最後,如果有網友好想入手 Le1 ,但係又咁唔好彩搶唔到買手機送電視優惠,係咪代表無機會入手呢部手機呢?其實唔係嘅,因為 Letv 就話係電腦節頭三日期間,每日會有兩場「無底價拍賣」,而每一次拍賣都會有 3 部樂視手機。換句話講,大家係有機會用一個相對較平的價錢入手 Le 1 嘅。另外仲有一個重點相信大家都好關心的重點,就係 Le 1 的價錢,好可惜目前都仍然未有相關的消息,最快下星期會有詳情。大家又對今次「買細送大」活動有無興趣呢?一齊講講啦!icon

買細送大!電腦節買 Letv 手機送電視,入來話你知點樣搶
▲  買到的手機會係 Le 1 ,咁送的電視又會係邊部呢?就係機價都要成 $1999 呢 S40 Air ,真係分分鐘電視仲貴過手機⋯⋯icon

Letv Le 1 (樂 1) 香港行貨約八月推出,行貨售價未定

唔知機價會幾錢?
會唔會賣3千幾蚊, 送返部電視比你, 即係機價千幾?

TOP

爭崩頭.....這些機會不會是我的=.=

TOP

你玩到咁大, 你叫其他廠點跟....

TOP

咁真係好吸引

TOP

爭崩頭.....這些機會不會是我的=.=
Kis`s 發表於 2015-8-7 12:37

10個就話勁難姐, 100個位其實有得諗

TOP

排10+鐘等派100籌,唔洗再跑九條街...可以
若早幾日已係街要排幾日大隊...免了

TOP

傻的嗎... 係咪打錯字, 正路應該買電視送手機

TOP

傻的嗎... 係咪打錯字, 正路應該買電視送手機
wear 發表於 2015-8-7 14:19



因為贈品唔包保養。

TOP

傻的嗎... 係咪打錯字, 正路應該買電視送手機
wear 發表於 2015-8-7 14:19

S40...$1999
黎到香港賣就$36xx

TOP