主題:​Letv 樂視手機變陣原因:投得英格蘭超級聯賽播映權?

主題:​Letv 樂視手機變陣原因:投得英格蘭超級聯賽播映權?
記得八月底 2015 年香港電腦節最大新聞是:主要贊助商 Letv 樂視突然變陣,沒有推出本來計劃上市嘅超級手機 Le 1。這個決定,令人難明。但若果結合以下呢個消息,大家又會覺得好合理。據報,Letv 已投得 2016 -2017 季度起三年英格蘭超級足球聯賽嘅香港播映權,預計樂視超級手機會成為唯一可以播放英超流動裝置,到時球迷似乎唔駛再理部手機十核定廿核,想方便睇波,都焗住買佢。若果成事,你點睇?
造勢 Post 文上討論區
若果大家有留意體育賽事嘅播映版權收費,英格蘭超級足球聯賽是數一數二的貴,由 2016-17 季度起,又是每三年一次英超播映權轉移年份。業界有傳,預計下三個季度嘅香港區播映版權高達四億美元,比起以往再升一倍,已非一向爭奪開嘅兩間電視台包括 PCCW HKT 旗下嘅 now TV 及九倉嘅有線電視所能承受。一直有指,佢地未必會好積極咁投標。不過,有錢就是任性。體育賽事研究公司 SportCal 係 6/9 發表了一篇文章,報導了樂視 Letv 已簽定了由 2016-17 季度起英格蘭超級足球聯賽嘅香港播映權。我們值得留意幾件事:

1)樂視 Letv 本身係中國大陸已有大量體育賽事互聯網播映權,係足球比賽上包括了意甲、歐聯及歐霸,但一直不包括香港在內。而今次報導,只提及英超在香港播映權,內地嘅版權未有提及,可見樂視視香港為發展策略地區。

2)  SportCal 文章本身是付費才能收看,但有人把整段報導貼上討論區,令消息曝光,而會睇 SportCal 資料,都似係業界人士,令整件事放風、造勢感覺更濃。

3) 版主私下問過樂視 Letv 香港線人,消息來源以不置可否作回應,並叫留意本月公佈。這位線人雖然沒有直接承認已投得英超香港播映權,但版主及其他得知消息嘅業界人士,也覺得可信性好高,大家點睇?

SportCal 對 Letv 投得英超播映權嘅報導,來自香港討論區嘅貼文,但 SportCal 呢篇文章,本身已是付費會員先睇到,令呢個消息好有被放風之嫌。

要轉手機、轉電視機?
提起樂視 Letv,大家都想起佢地嘅超級電視機、樂視盒子及超級手機。若果佢地簽了英格蘭超級足球聯賽嘅香港播映權,代表我地係咪要轉電視機與手機呢?若果消息正確,用英超內容吸引你買佢地嘅電視機及手機,包括埋直播賽事,這想法好理所當然。而早前樂視香港暫緩係香港推出手機,改推另一款更強型號,相信也是配合呢個消息公佈。不過,若果樂視 Letv 用回中國大陸模式,即願意分銷播映權,到時可能像今年霍士體育把德國足球聯隊,同時安排在旗下 Fox Sports 頻道及分銷至有線電視播放。到時 Letv 也有機會令英超在多個平台播放,也是好事。此外,Letv 是首家香港媒體提供 4K 畫質內容,到時,可能用 4K 畫質播英超也有可能呀!
http://www.eprice.com.hk/nb/talk/1142/24128/1/