[測試] 唔知道大家點睇小米呢個新興品牌呢..?我講講我既感覺..

大家好..第一次嚟呢個板塊發帖..
之前長期都係出沒系水區同其他巴打討論"國家大事"..

先介紹下我既情況..
我唔系香港人..我系廣州人..所以比小米既新聞日日刷屏..
小米一開始既時候..雖然性能系足夠好..但係個樣實在太醜啦..
所以一直都無買過小米既手機..本人外觀協會..手機個款系好重要既購買因素..

直到小米發展左好幾年..距地系國內已經屬於成熟既廠商啦..
而且經過幾代既發展..小米個樣越來越好..宜家我爸爸媽媽都係用小米..
我自己就用Galaxy Note 3..最近換左LG G4..由於唔中意雙卡雙待..
所以G4用移動既卡..Note3用聯通既卡..分開兩台手機..
但係Note3比我刷左小米既MIUI7系統(入手G4前已經刷入使用了一段時間)..
然後再用翻G4既感覺就係..G4使用上不如MIUI系統方便好用..

我唔知道小米既系統去到香港會唔會水土不服..
系廣州地區(大陸)來講..MIUI真係完全貼近生活..基本上生活上所有既野都集成系MIUI裡面..
最生活化既就係交各種各樣既費用..查詢各種生活娛樂資訊..
對比起身..三星同LG既系統就無呢D野了..長久使用落嚟..MIUI會更加順手..
換翻G4既時候會覺得唔方便同唔習慣..直觀感覺就係無咁好用..

唔知道你地對小米既態度係咪仲停留系"山寨"行列..
但係我再換手機既話..或者真係會直接買一台小米既手機..可以嘗試一下國貨..
只不過..我對搶購呢種形式好反感..你老闆..買部手機都要搶搶搶..

小米只可以講一分錢一分貨,唔會俾多你。

TOP

大家好..第一次嚟呢個板塊發帖..
之前長期都係出沒系水區同其他巴打討論"國家大事"..

先介紹下我既情況..
...
babybear 發表於 2015-10-23 10:45

其實依家買小米機唔駛再搶,線上線下都有貨

TOP

係到講小米 樓主真勇敢

via HKEPC Reader for Android

TOP

小米永遠唔會用,因為而家個價已經冇兢爭力,比料又成日偷工減料
一樣價買到大廠上季旗艦機仲好
但紅米note系列非常抵用,夠平又玩到晒小米d應用同便利
壞左唔心痛,用黎使過度同備用一流

TOP

係到講小米  樓主真勇敢

via HKEPC Reader for Android
sneakaholic 發表於 2015-10-23 10:57


真心攤開中肯討論係好事

TOP

即係咁講,MIUI 對在強國生活的人來講,係有好多實用又方便日常生活的功能,呢點,魅族的FLYME 一樣有類似的功能,但對我們香港人來講,呢D服務完全用唔到,我地根本感受唔到呢D所謂方便,同時我們喜歡使用相對簡約的原生ANDROID,所以我們眼中的小米,只是一間以抄襲作生存手段的山寨公司。

TOP

提示: 作者被禁止或刪除 內容自動屏蔽

TOP

本帖最後由 diotong 於 2015-10-23 11:08 編輯

唔覺得佢山寨,但是是一等一的賊公司,經營手法同PR 都賤到爆,
而家手機部部功能都有多無少,價錢相差亦唔還,選擇公司形象就變得好重要。
尼間野,幫襯佢等如助紂為虐支持無恥經營手法,送比我都唔用。
但送比我會拎去賣,世上盲毛cheap精有很多。

TOP

真心攤開中肯討論係好事
htc991424 發表於 2015-10-23 10:59

諗起之前小米note出港行個時個個post
比人插足幾廿頁咁制

via HKEPC Reader for Android

TOP